୭ ମହଲା ବିଲ୍ଡିଂରେ ଭୀଷଣ ଅଗ୍ନିକାଣ୍ଡ : ୭ମୃତ, ୪୬ ଆହତ
ମୁମ୍ବାଇ : ମୁମ୍ବାଇରେ ୭ ମହଲା ବିଲ୍ଡିଂରେ ଲାଗିଲା ନିଆଁ । ଗତ ଗୁରୁବାର ବିଳମ୍ବିତ ରାତିରେ ମୁମ୍ବାଇର ଗୋରେଗାଓଁର ଏକ ୭ ମହଲା ବିଲ୍ଡିଂରେ ଭୀଷଣ ଅଗ୍ନିକାଣ୍ଡ ଘଟିଥିଲା । ଏହି ଅଗ୍ନିକାଣ୍ଡରେ ୭ ଜଣଙ୍କ ମୃତ୍ୟୁ ହୋଇଥିବାବେଳେ ୪୬ ଜଣ ଆହତ ହୋଇଥିଲେ । ଆହତଙ୍କ ମଧ୍ୟରୁ ୨ଜଣଙ୍କ ଅବସ୍ଥା ଗୁରୁତର ରହିଛି । ସେହିପରି ୩୦ ଜଣଙ୍କୁ ଉଦ୍ଧାର କରାଯାଇଛି।
ବିଲ୍ଡିରର ପାର୍କିଂରେ ଥିବା ୪ଟି କାର ୩୦ରୁ ଅଧିକ ବାଇକ ଜଳି ଭସ୍ମିଭୂତ ହୋଇଯାଇଛି । ଅଗ୍ନିଶମ ବାହିନୀର ୧୦ଟି ଦମକଳ ଗାଡ଼ି ପହଞ୍ଚି ନିଆଁକୁ ଆୟତ୍ତ କରିଛନ୍ତି । ବିଲ୍ଡିଂର ପାର୍କିଂରୁ ନିଆଁ ଲାଗି ପ୍ରଥମ ଓ ଦ୍ବିତୀୟ ମହଲାକୁ ବ୍ୟାପି ଯାଇଥିଲା । ପ୍ରାୟ ୪୬ ଜଣ ଆହତ ହୋଇଥିବାବେଳେ ସମସ୍ତଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି ।
