ଝାନ୍ସୀରେ ମାଲଗାଡ଼ିର ୫ ଡବା ଲାଇନଚ୍ୟୁତ
ଭୋପାଳ : ଝାନ୍ସୀର ବୀରାଙ୍ଗନା ଲକ୍ଷ୍ମୀବାଇ ରେଲୱେ ଷ୍ଟେସନ ପାଖରେ ମଙ୍ଗଳବାର ସକାଳେ ମାଲଗାଡ଼ିର ପାଂଚ ଡବା ଟ୍ରାକ୍ରୁ ଖସିଯାଇଛି । ଏଥିରେ ଝାଂସୀ-କାନପୁର ଏବଂ ଝାଂସୀ-ଦିଲ୍ଲୀ ରୁଟରେ ଟ୍ରେନ୍ ଯାତାୟାତ ବନ୍ଦ ହୋଇଛି । ଶତାବ୍ଦୀ, କର୍ଣ୍ଣାଟକ, ପଞ୍ଜାବ ମେଲ୍, ଝେଲମ୍, ଛତିଶଗଡ଼, ମିଲେନିୟମ, ଲୋକମାନ୍ୟ ତିଲକ ଟର୍ମିନଓ ସମେତ ଏକ ଡଜନରୁ ଅଧିକ ଟ୍ରେନ୍ ଦୁଇରୁ ତିନି ଘଂଟା ଡେରିରେ ଚାଲୁଛି । କେତେକ ଗାଡ଼ିକୁ ଭୋପାଳ, ଗ୍ୱାଲିୟର, ବିଦିଶା, ବିନା ଆଦି ଷ୍ଟେସନରେ ରୋକାଯାଇଛି ।
