୪୩ତମ ଜାତୀୟ ବରିଷ୍ଠ ଥ୍ରୋ-ବଲ୍ ପ୍ରତିଯୋଗିତା : ୩୪ ଜଣିଆ ଓଡ଼ିଶା ଦଳ
ଭୁବନେଶ୍ବର : ନୂଆଦିଲ୍ଲୀରେ ଆୟୋଜିତ ହେବାକୁ ଥିବା ୪୩ତମ ଜାତୀୟ ବରିଷ୍ଠ ଥ୍ରୋ-ବଲ୍ ପ୍ରତିଯୋଗିତା ଲାଗି ଓଡ଼ିଶାର ୩୪ ଜଣ ପୁରୁଷ ଏବଂ ମହିଳା ଖେଳାଳି ସେଠାକୁ ଯାତ୍ରା କରିଛନ୍ତି। ଶୁଭଦର୍ଶିନୀ ଜେନା ମହିଳା ଏବଂ ଏସ୍ ଜଗା ପୁରୁଷ ଦଳର ଅଧିନାୟକ ନିଯୁକ୍ତ ହୋଇଛନ୍ତି। ଅଭିଜିତ୍ ମହାନ୍ତି ପ୍ରବନ୍ଧକ ଦାୟିତ୍ବରେ ରହିଛନ୍ତି।
ରେଫରି ଭାବେ ଯଶୋବନ୍ତ ପରମଗୁରୁ ଏବଂ ରାମକୃଷ୍ଣ ବେହେରା ମଧ୍ୟ ଦିଲ୍ଲୀ ଯାଇଛନ୍ତି ବୋଲି ଓଡ଼ିଶା ଥ୍ରୋ ବଲ୍ ସଂଘର ସଂପାଦକ ଜିତେନ୍ଦ୍ର ନାଥ ଦାସ ଜଣାଇଛନ୍ତି। ସଭାପତି ଭୂପେନ୍ଦ୍ର ସିଂହ ଓଡ଼ିଶା ଦଳକୁ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି।
