୪ ଖଲିସ୍ତାନୀ ଆତଙ୍କବାଦୀ ଗିରଫ, ଏକେ-୪୭ ସହ ବହୁ ଅସ୍ତ୍ରଶସ୍ତ୍ର ଜବତ
ନୂଆଦିଲ୍ଲୀ: ହରିୟାଣାରରୁ ଖଲିସ୍ତାନ ସମର୍ଥକ ଆତଙ୍କବାଦୀ ଗୋଷ୍ଠୀର ଚାରି ସଦସ୍ୟଙ୍କୁ ଗିରଫ କରାଯାଇଛି। ଏମାନେ ପଞ୍ଜାବ ଏବଂ ଅନ୍ୟାନ୍ୟ ସ୍ଥାନରେ କିଛି ନିର୍ଦ୍ଦିଷ୍ଟ ଲୋକଙ୍କୁ ହତ୍ୟା କରିବାକୁ ଯୋଜନା କରୁଥିଲେ । ସେମାନଙ୍କଠାରୁ ଏକେ-୪୭ ଏବଂ ତିନୋଟି ପିସ୍ତଲ ସମେତ ଅନ୍ୟାନ୍ୟ ଅସ୍ତ୍ରଶସ୍ତ୍ର ଜବତ କରାଯାଇଛି ବୋଲି ପୋଲିସ କହିଛି। ସମସ୍ତେ ହରିୟାଣାର ସୋନିପତର ବାସିନ୍ଦା | ଏକ ବିବୃତ୍ତିରେ କୁହାଯାଇଛି ଯେ, ହରିୟାଣା ପୋଲିସର କ୍ରାଇମ ଇନଭେଷ୍ଟିଗେସନ୍ ଏଜେନ୍ସି (ସିଆଇଏ) ଟିମ୍ ଖଲିସ୍ତାନ ସମର୍ଥକ ଆତଙ୍କବାଦୀ ଗୋଷ୍ଠୀର ଚାରି ଜଣଙ୍କୁ ଗିରଫ କରିଛି। ସୋନିପତର ଜିଲ୍ଲାରେ ପୋଲିସ ସେମାନଙ୍କ ନିକଟରୁ ବହୁ ସଂଖ୍ୟକ ବେଆଇନ ଅସ୍ତ୍ରଶସ୍ତ୍ର ଜବତ କରିଛି।
ଅଭିଯୁକ୍ତମାନେ ସୋସିଆଲ ମିଡିଆ ଜରିଆରେ ଖଲିସ୍ତାନ ଟାଇଗର ଫୋର୍ସ ଏବଂ ଇଣ୍ଟରନ୍ୟାସନାଲ ଶିଖ ୟୁଥ ଫେଡେରେସନ୍ ସହିତ ଯୋଗାଯୋଗ କରିଥିଲେ । ସୋନିପତ ଏସପି ରାହୁଲ ଶର୍ମା ଗଣମାଧ୍ୟମକୁ କହିଛନ୍ତି ଯେ ସୋନିପତ ବାସିନ୍ଦା ତଥା ପୂର୍ବ ଅପରାଧିକ ରେକର୍ଡ ଥିବା ସନ୍ଦିଗ୍ଧ ବ୍ୟକ୍ତିଙ୍କ ବିଷୟରେ ହରିୟାଣା ପୋଲିସ ପଞ୍ଜାବ ପୋଲିସ ଏବଂ ଗୁପ୍ତଚର ଏଜେନ୍ସିରୁ କିଛି ସୂଚନା ପାଇଥିଲା। ସେ କହିଛନ୍ତି ଯେ ଖଲିସ୍ତାନ ସମର୍ଥକ ଆତଙ୍କବାଦୀ ଗୋଷ୍ଠୀ ଏହି ଲୋକଙ୍କ ଜରିଆରେ ପଞ୍ଜାବ ତଥା ଅନ୍ୟାନ୍ୟ ସ୍ଥାନରେ ଟାର୍ଗେଟ କିଲିଂ ତଥା ଆତଙ୍କବାଦୀଙ୍କ ପରିବେଶ ସୃଷ୍ଟି କରିବାକୁ ଚାହୁଁଛନ୍ତି। ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ ଗିରଫ ଲୋକଙ୍କ ଠାରୁ ଜବତ ଅସ୍ତ୍ରଶସ୍ତ୍ର ବିଦେଶରେ ରହୁଥିବା ଖଲିସ୍ତାନ ସମର୍ଥକ ଆତଙ୍କବାଦୀ ଗୋଷ୍ଠୀ ତରଫରୁ ପ୍ରଦାନ କରାଯାଇଛି।
ଏନେଇ ଜଣେ ପୋଲିସ୍ ଅଧିକାରୀ ଗଣମାଧ୍ୟମକୁ କହିଛନ୍ତି ଯେ ସୋନିପତ୍ର ବାସିନ୍ଦା ତଥା ପୂର୍ବ ଅପରାଧ ରେକର୍ଡ ଥିବା ବ୍ୟକ୍ତିଙ୍କ ବିଷୟରେ ହରିୟାଣା ପୋଲିସ ପଞ୍ଜାବ ପୋଲିସ ଏବଂ ଗୁପ୍ତଚର ଏଜେନ୍ସିରୁ କିଛି ସୂଚନା ପାଇଛନ୍ତି। ଏହାକୁ ନେଇ ସେ କହିଛନ୍ତି ଖଲିସ୍ତାନ ସମର୍ଥକ ଆତଙ୍କବାଦୀ ଗୋଷ୍ଠୀ ଏହି ଲୋକଙ୍କୁ ପଞ୍ଜାବ ତଥା ଅନ୍ୟାନ୍ୟ ସ୍ଥାନରେ ହତ୍ୟାକାଣ୍ଡ ତଥା ଆତଙ୍କବାଦୀଙ୍କ ପରିବେଶ ସୃଷ୍ଟି କରିବାକୁ ଚାହୁଁଛନ୍ତି। ଖାଲିସ୍ତାନ ସମର୍ଥକ ଆତଙ୍କବାଦୀଙ୍କ ସହ ଅଭିଯୁକ୍ତ ଚାରିଜଣଙ୍କ ମଧ୍ୟରୁ ଜଣେ ଲିଙ୍କ ସମ୍ପର୍କରେ ସିବିଆଇ ଟିମ୍ ଯାଞ୍ଚ କରୁଛି। ସେମାନଙ୍କ ବିରୋଧରେ ଏକ ମାମଲା ରୁଜୁ ହୋଇଛି।
