୨ ମୋଟରସାଇକେଲ ଜବତ, ଜଣେ ଗିରଫ
କଟକ : ମଙ୍ଗଳାବାଗ ଥାନା ପୋଲିସ ଜଣେ ବାଇକ ଲୁଟେରାକୁ ଗିରଫ କରିବା ସହିତ ତା ନିକଟରୁ ଦୁଇଟି ମୋଟରସାଇକେଲ ଜବତ କରିଛି । ଗିରଫ ଅଭିଯୁକ୍ତଜଣକ ସଦର ଥାନା ଅନ୍ତର୍ଗତ ସୁଭ୍ରଦ୍ରାପୁରର ଅଭିନାଶ ସାମଲ(୨୮) । ମିଳିଥିବା ସୂଚନା ମୁତାବକ, ଚୈାଦ୍ୱାର ଥାନା ଅନ୍ତର୍ଗତ ଗୋଡିପାଟଣାର ମାନସ ସାମଲ ଗତ ୧୯ ତାରିଖରେ କଟକ ବଡ ଡାକ୍ତରଖାନାକୁ ରାବିଶ୍ ଭାକ୍ସିନ ନେବା ପାଇଁ ଆସି ତାଙ୍କର ନାଲି ରଙ୍ଗର ହିରୋ ଗ୍ଲାମର(ଓଡି-୦୪-ପି-୦୨୯୩) ବାଇକଟି ଭାକସିନ ସେଣ୍ଟର ସାମନାରେ ଚାବି ପକାଇ ରଖି ଭାକସିନ ପାଇଁ ଯାଇଥିଲେ । ତେବେ ଫେରିାବ ବେଳକୁ ଗାଡିଟି ସେଠାରେ ନ ପାଇ ଖୋଜାଖୋଜି ପରେ ମଙ୍ଗଳାବାଗ ଥାନାରେ ଲିଖିତ ଅଭିଯୋଗ କରିଥିଲେ । ପୋଲିସ କେସ ନଂ ୨୩୯/୨୨ରେ ଏକ ମାମଲା ରୁଜୁ କରି ତଦନ୍ତ ଚଳାଇ ଅଭିଯୁକ୍ତ ଅଭିନାଶକୁ ଗିରଫ କରି ତା ନିକଟରୁ ଗ୍ଲାମର ମୋଟରସାଇକେଲ ସହିତ ଅନ୍ୟ ଏକ କଲା ରଙ୍ଗର ବଜାଜ ପଲସର ବାଇକ୍ ଜବତ କରିଥିଲା । ଆଜି ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି ।
