ନିଆଁ ଲାଗି ୨ ବଖରା ଘର ପାଉଁଶ
ନୀଳଗିରି : ନୀଳଗିରି ଏନ୍ଏସି ଅନ୍ତର୍ଗତ ୧୧ନଂ. ୱାର୍ଡ଼ ଗୁଣ୍ଠୁଣାସାହି ଗ୍ରାମର ବାପି ସିଂଙ୍କ ୨ ବଖରା ଘର ନିଆଁ ଲାଗି ଭସ୍ମୀଭୂତ ହୋଇଯାଇଛି । ନିଆଁ ଲାଗିବାର କାରଣ ଜଣାପଡ଼ି ନଥିବା ବେଳେ ଘରେ ଥିବା ସମସ୍ତ ଆସବାବପତ୍ର, ରେସନସାମଗ୍ରୀ ଆଦି ସମ୍ପୂର୍ଣ୍ଣ ପୋଡ଼ି ଯାଇଛି । ଖବରପାଇ ଦମକଳବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ୧୧ନଂ. ୱାର୍ଡ଼ର ପୂର୍ବତନ କାଉନ୍ସିଲର ଜୁଳ ଖଟୁଆ, ବିଜେଡି ଏସ୍ସି ସେଲ୍ର ଅଧ୍ୟକ୍ଷ ଶରତ ଦାସ ଘଟଣାସ୍ଥଳରେ ପହଞ୍ଚି ସହାୟତା ପ୍ରଦାନ କରିଥିଲେ । ଅଗ୍ନି ବିପନ୍ନ ପରିବାରଙ୍କୁ ସରକାରୀ ସହାୟତା ଯୋଗାଇ ଦେବା ପାଇଁ ସାଧାରଣରେ ଦାବି ହୋଇଛି ।
