ବାଲେଶ୍ୱର : କୁକୁଡ଼ା ଫାର୍ମରୁ ୧୪ଫୁଟିଆ ଅଜଗର ଉଦ୍ଧାର
ନୀଳଗିରି : ବାଲେଶ୍ୱର ଜିଲା ନୀଳଗିରି ବନ ବିଭାଗ ଅଧୀନ ଧୋବଶିଳା ଗ୍ରାମର ମୁକ୍ତିକାନ୍ତ ମହାନ୍ତିଙ୍କ କୁକୁଡ଼ା ଫାର୍ମରୁ ୪୦ଟି କୁକୁଡ଼ା ଛୁଆ ଖାଇଥିବା ୧୪ଫୁଟ୍ ଲମ୍ବର ଅଜଗର ସାପକୁ ଉଦ୍ଧାର କରି ନୀଳଗିରି ବନ ବିଭାଗକୁ ହସ୍ତାନ୍ତର କରାଯାଇଛି । ଖବରପାଇ ସ୍ଥାନୀୟ ଲୋକେ ସାପଟିକୁ ଦେଖିବା ପାଇଁ ସେଠାରେ ଭିଡ଼ ଜମିଥିବାର ଦେଖାଯାଇଥିଲା ।
ସୂଚନା ଅନୁସାରେ ଧୋବଶିଳା ଗ୍ରାମର ଶ୍ରୀ ମହାନ୍ତିଙ୍କ କୁକୁଡ଼ା ଫାର୍ମ ହାଉସରେ ମଙ୍ଗଳବାର ଅପରାହ୍ନ ୩ଟା ସମୟରେ ଉକ୍ତ ଅଜଗର ସାପ ପଶି ୪୦ଟି କୁକୁଡ଼ା ଛୁଆ ଖାଉଥିବାର ଉକ୍ତ ଅଜଗର ସାପକୁ ମୁକ୍ତିକାନ୍ତ ଦେଖିବାକୁ ପାଇଥିଲେ । ପରେ ଧୋବଶିଳା ଗ୍ରାମର ସାପ ଧରାଳି ସଞ୍ଜୟ କୁମାର ନାୟକଙ୍କୁ ଖବର ଦେଲା ପରେ ସେ ଘଟଣାସ୍ଥଳରେ ପହଞ୍ôଚ ସାପଟିକୁ ଉଦ୍ଧାର କରି ନୀଳଗିରି ବନବିଭାଗକୁ ଖବର ଦେଇଥିଲେ । ବନବିଭାଗ ଅଜଗର ସାପଟିକୁ ଆଣି ସ୍ୱର୍ଣ୍ଣଚୂଡ଼ ଜଙ୍ଗଲରେ ଛାଡ଼ି ଦେଇଥିବା ଜଣାପଡ଼ିଛି ।
