ଆଜି ୧୨ଘଣ୍ଟିଆ କନ୍ଧମାଳ ଜିଲା ବନ୍ଦ

• ଗୋପାଳପୁର-ସମ୍ବଲପୁର ରେଳ ପ୍ରକଳ୍ପରୁ ଫୁଲବାଣୀ ବାଦର ପ୍ରତିବାଦ

କନ୍ଧମାଳ : ଆଜି ୧୨ଘଣ୍ଟିଆ କନ୍ଧମାଳ ଜିଲା ବନ୍ଦ। ଗୋପାଳପୁର-ସମ୍ବଲପୁର ଭାୟା ଫୁଲବାଣୀ ରେଳ ପ୍ରକଳ୍ପରୁ ଫୁଲବାଣୀକୁ ବାଦ୍ ଦେବା ପ୍ରତିବାଦରେ କନ୍ଧମାଳ ବିକାଶ ପରିଷଦ ପକ୍ଷରୁ ଏହି ବନ୍ଦ ଡାକରା ଦିଆଯାଇଛି ।

ରାଜ୍ୟ ସରକାରଙ୍କ ଅଧିନରେ ଥିବା ଓରିଡିଲର ସର୍ଭେରେ ୨୦୨୨ରେ ଗୋପାଳପୁର-ସମ୍ବଲପୁର ରେଳ ପ୍ରକଳ୍ପରେ ସ୍ଥାନ ପାଇଥିଲା ଫୁଲବାଣୀ । କିନ୍ତୁ ୨୦୨୩ରେ ଓରିଡିଲ ସର୍ଭେରୁ ବାଦ ପଡ଼ିଛି ଫୁଲବାଣୀ । ସେଥିପାଇଁ ବନ୍ଦ ଡାକରା ଦେଇଛି କନ୍ଧମାଳ ବିକାଶ ପରିଷଦ । ବ୍ରହ୍ମପୁର-ସମ୍ବଲପୁର ରେଳ ପ୍ରକଳ୍ପ ପାଇଁ ଚୂଡାନ୍ତ ସର୍ବେକ୍ଷଣ ସରିଛି । ପୂର୍ବ ସର୍ବେକ୍ଷଣରେ ଫୁଲବାଣୀ ସହରରେ ରେଳ ଷ୍ଟେସନ ନିର୍ମାଣ ହେବାକୁ ସ୍ଥିର ହୋଇଥିବା ବେଳେ ଚୂଡାନ୍ତ ସର୍ବେକ୍ଷଣରେ ଫୁଲବାଣୀ ସହରକୁ ରେଳ ଲାଇନ ଯିବ ନାହିଁ ବୋଲି ରିପୋର୍ଟରେ ଦର୍ଶାଯାଇଛି। ଯାହା ଦ୍ୱାରା କନ୍ଧମାଳ ଜିଲା ବାସୀଙ୍କ ଦୀର୍ଘ ଦିନ ର ସ୍ବପ୍ନ ଅଧୁରା ରହିଯିବ ଓ କନ୍ଧମାଳବାସୀ ରେଳପଥ ଦେଖିବାକୁ ପାଇପାରିବେ ନାହିଁ l ଯାହାକୁ ନେଇ କନ୍ଧମାଳ ଜିଲାବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିବା ବେଳେ ଆଜି ବନ୍ଦ ଡାକରା ଦେଇଛି ବିକାଶ ପରିଷଦ ।