୧୨ ଟିକିଆ ବଣୁଆ ହାତୀ ପଲଙ୍କ ଆତଙ୍କ, ଧାନ ଓ ପନିପରିବା ଫସଲ ନଷ୍ଟ
କେନ୍ଦୁଝର : କେନ୍ଦୁଝର ସଦର ରେଞ୍ଜରେ ୧୨ ଟିକିଆ ବଣୁଆ ହାତୀ ପଲଙ୍କ ଆତଙ୍କ I ସଦର ରେଞ୍ଜ ଅନ୍ତର୍ଗତ ବଡପଶି ମହାକୁଡ ସାହିକୁ ଉକ୍ତ ହାତୀ ପଲ ଧସେଇ ପଶିବା ସହ ଧାନ ଓ ପନି ପରିବା ଫସଲ ଯେତିକି ନ ଖାଇଛନ୍ତି ଅଧିକ ପାଦରେ ଦଳି ଚକଟି ନଷ୍ଟ କରିଛନ୍ତି। ହାତୀଙ୍କ ଉପଦ୍ରବରେ ଗାଁ ଲୋକେ ଆତଙ୍କିତ । ବନ ବିଭାଗ, ହାତୀ ଘଉଡାଇବା ସ୍କ୍ଵାର୍ଡ ସହ ପୋଲିସ ବିଭାଗ ପକ୍ଷରୁ ହାତୀ ଉପରେ ରଖା ଯାଇଛି ତୀକ୍ଷ୍ଣ ନଜର ।
ଏହି ୧୨ ଟିକିଆ ବଣୁଆ ହାତୀ ପଲରେ ଅଛିନ୍ନି ୪ ଦନ୍ତା ୬ ଟି ମାଇ ଓ ୨ଟି ଛୁଆ ରହିଛନ୍ତି । ହାତୀ ପଲ କିଛି ଫସଲ ଖାଇବା ସହ ପାଦରେ ଦଳି ଚକଟି ନଷ୍ଟ କରିଥିବା ଲୋକେ ଅଭିଯୋଗ କରିଛନ୍ତି। ଏହି ହାତୀ ପଲ ବଡପଶି ଗାଁଠାରେ ପହଞ୍ଚିବା ବେଳକୁ ସକାଳ ହୋଇଯିବାରୁ ଏଠାରେ ରହିଯାଇଛନ୍ତି । ହାତୀଙ୍କୁ ବିଲ କିମ୍ବା ଗାଁକୁ ପୁରାଇ ନ ଦେବାକୁ ଚାରିପଟେ ହଜାର ହଜାର ସଂଖ୍ୟାରେ ଲୋକ ଜମି ରହିଛନ୍ତି । ବନ ଓ ପୋଲିସ ବିଭାଗ ପକ୍ଷରୁ ହାତୀ ଉପରେ ତୀକ୍ଷଣ ନଜର ରଖାଯାଇଛି । ହାତୀକୁ ଟେକା ପଥର ମାରି ବିରକ୍ତ ନ କରିବା ସହ ହାତୀ ଥିବା ଜଙ୍ଗଲ ଭିତରେ ପଶି ହାତୀର ଫୋଟ ଉଠାଇ ନଉଠାଇବାକୁ ଡାକବାଜୀ ଯନ୍ତ୍ର ସାହାଯ୍ୟରେ ସୂଚନା ଦିଆଯାଉଛି।
