ବାଲିଆପାଳ ଆଇଡିଏଲ ପବ୍ଲିକ ସ୍କୁଲର ୧୦ମ ବାର୍ଷିକ ଉତ୍ସବ
ବାଲିଆପାଳ : ବାଲେଶ୍ୱର ଜିଲା ବାଲିଆପାଳ ଗୋଷ୍ଠୀ ଶିକ୍ଷା ଅଧିନସ୍ଥ ବାଲିଆପାଳ ଆଇଡିଏଲ ପବ୍ଲିକ ସ୍କୁଲର ୧୦ମ ବାର୍ଷିକ ଉତ୍ସବ ମଙ୍ଗଳବାର ଅପରାହ୍ନରେ ଇଡକୋ ପରିସର ନବ ନିର୍ମିତ ସ୍କୁଲ ବିଲଡିଂ ସମ୍ମୁଖରେ ଖୁବ ଧୁମ୍ଧାମ୍ରେ ଅନୁଷ୍ଠିତ ହୋଇଯାଇଛି । ଛାତ୍ରୀଛାତ୍ର ମାନଙ୍କ ଦ୍ୱାର ସାଂସ୍କୃତିକ କାର୍ଯ୍ୟକ୍ରମରେ ସାମାଜିକ ସଚେତନତା ନୃତ୍ୟ ସଂଗୀତ ସହିତ ଗ୍ରୁପ ଡେନ୍ସ ଦର୍ଶକଙ୍କ ମନ ମୋହିଥିଲା ।
ଆଇଡିଏଲ ପବ୍ଲିକ ସ୍କୁଲ ଅଧ୍ୟକ୍ଷ ଉମେଶ ଚନ୍ଦ୍ର ରାଉତଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଚାନ୍ଦିପୁର ଆଇଟିଆର ବୈଜ୍ଞାନିକ କେକେ ଚାନ୍ଦ ମୂଖ୍ୟଅତିଥି ଭାବର ଯୋଗଦେଇ ବକ୍ତବ୍ୟ ରଖିଥିଲେ । ସୋର ଉତ୍ତରେଶ୍ୱର ସେଣ୍ଟ ଜାଭିୟର୍ସ ସ୍କୁଲର ମେନେଞ୍ଜିଂ ଡାଇରେକ୍ଟର ତଥା ଅବସରପ୍ରାପ୍ତ ପ୍ରଧାନ ଶିକ୍ଷକ ଅଶୋକ କୁମାର ମହାନ୍ତି ମୁଖ୍ୟ ବକ୍ତା ଭାବରେ ଯୋଗ ଦେଇ ଥିବାବେଳେ, ସମ୍ମାନିତ ଅତିଥି ଭାବରେ ବାଲେଶ୍ୱର ସିଦ୍ଧି ବିନାୟକ ସ୍କୁଲର ଅଧ୍ୟକ୍ଷ ସୁଧାଂଶୁ ଶେଖର ପଣ୍ଡା, ସ୍କୁଲ କମିଟିର ସମ୍ପାଦକ ଡ. ସନ୍ତୋଷ କୁମାର ଦାସ, କୋଷାଧ୍ୟକ୍ଷ ଅନନ୍ତ ବିଶ୍ୱାଳ, ସହ-ସମ୍ପାଦକ ସଞ୍ଜୟ କୁମାର ଦେ ପ୍ରମୁଖ ଯୋଗଦେଇ ଏହି ଅବସରରେ ନିଜ ନିଜର ବକ୍ତବ୍ୟ ରଖିଥିଲେ । ସ୍କୁଲ କମିଟିର ସଦସ୍ୟ ସୁଧାଂଶୁ ବାରିକ, ବିଜୟ କୁମାର ସାମଲ ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ଥିଲେ । ଏହି ଅବସରରେ ଉପସ୍ଥିତ ଛାତ୍ରୀଛାତ୍ରଙ୍କ ଅଭିଭାବକମାନେ ଖୁବ୍ ଉତ୍ସାହିତ ରହିଥିଲେ । କୃତି ଛାତ୍ରୀଛାତ୍ରଙ୍କୁ ଅତିଥିମାନଙ୍କ ଦ୍ୱାରା ପୁରସ୍କାର ଓ ମାନପତ୍ର ବିତରଣ କରଯାଇଥିଲା । ବ୍ରହ୍ମାନନ୍ଦ ନାଥ ଧନ୍ୟବାଦ ଅର୍ପଣ କରିଥିଲେ । ଶେଷ ରେ ପିଲାମାନଙ୍କ ଦ୍ୱାରା ସାଂସ୍କୃତିକ କାର୍ଯକ୍ରମ ଅନୁଷ୍ଠିତ ହୋଇଥିଲା । ପିଲାଙ୍କମାନଙ୍କ ଦ୍ୱାରା ନାଚ ଗୀତରେ ଉପସ୍ଥିତ ଦର୍ଶକ ମାନେ ବେଶ ଆଗ୍ରହ ସହକାରେ ଉପଭୋଗ କରୁଥିବାର ଦେଖିବାକୁ ମିଳିଥିଲା ।
