ରାସ୍ତା ଉପରେ ଜଳିଗଲା ୧୦ ଚକିଆ ଟ୍ରକ
କେନ୍ଦୁଝର : କେନ୍ଦୁଝର ଜିଲା କାଞ୍ଜିପାଣି ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥ ପଣ୍ଡାଧର ଗାଁ ନିକଟରେ ରାସ୍ତା ଉପରେ ଜଳିଗଲା ୧୦ ଚକିଆ ଟ୍ରକ । ଟ୍ରକରେ ସର୍ଟ ସର୍କିଟରୁ ନିଆଁ ଲାଗିଥିବା ନେଇ ସନ୍ଦେହ କରାଯାଇଛି ।
ଗାଡିକୁ ଛିଡା କରି ଡ୍ରାଇଭର ଚା ପିଉଥିବା ବେଳେ ହଠାତ ଗାଡିର ସମ୍ମୁଖ ପଟୁ ନିଆଁ ଲାଗିଯାଇଥିଲା । ଚାହୁଁ ଚାହୁଁ ନିଆଁ ଭୟଙ୍କର ରୁପ ଧାରଣ କରିଥିଲା। ଧିରେଧିରେ ନିଆଁ ବଢ଼ିବାରେ ଲାଗିଥିଲା । ଫଳରେ ରାସ୍ତାର ଦୁଇ ପାର୍ଶ୍ଵରେ ଶତାଧିକ ଗାଡି ଛିଡା ହୋଇରହିଛି । ନିଆଁ ଭୟରେ ଗାଡି ଚଳାଚଳ ବନ୍ଦ ରହିଛି । ଅଗ୍ନିଶମ ବାହିନୀକୁ ଖବର ଦିଆଯାଇଥିବା ବେଳେ ସ୍ଥାନୀୟ ଲୋକଙ୍କ ସହାୟତାରେ ନିଅଁ ଲିଭା କାର୍ଯ୍ୟ ଜାରି ରହିଛି ।
