ମେଲାଣ ନିକଟରେ ୨ ହାତୀ ଦାନ୍ତ ସହିତ ୧ ଗିରଫ
ଘଟଗାଁ : କେନ୍ଦୁଝର ଜିଲ୍ଲା ଅନ୍ତର୍ଗତ ଘଟଗାଁ ଫରେଷ୍ଟ ସେକସନ ୨୦ ନମ୍ବର ଜାତିୟ ରାଜପଥ ମେଲାଣ ନିକଟରେ ଆଜି ଦୁଇଟି ହାତୀଦାନ୍ତ ଜବତ କରିବା ସହିତ ଜଣେ ଯୁବକ ଗିରଫ ହୋଇଥିବା ଜଣା ପଡିଛି । ସୂଚନା ଅନୁଯାୟୀ, ଯୁବକ ଜଣକ ମୟୁରଭଞ୍ଜ ଜିଲ୍ଲା କେନ୍ଦୁମୁଣ୍ଡି ଥାନା ଅନ୍ତର୍ଗତ ଦୁଃଶାସନ ମାଙ୍କଡିଆଙ୍କ ପୁଅ ବିଳାସ ମାଙ୍କଡିଆ(୩୫) ହାତୀ ଦାନ୍ତ ନେଇ ଯାଉଥିବା କେନ୍ଦୁଝର ବନ ବିଭାଗ କୌଣସି ସୂତ୍ରରୁ ଖପରପାଇ ଆଜି ଅପରାହ୍ନ ୫ଟା ସମୟରେ ତାକୁ ମେଲାଣ ଜଙ୍ଗଲ ନିକଟରେ ଚଢ଼ାଉ କରି ଧରିଥିଲେ କ୍ଷ ତା ପାଖରୁ ଦୁଇଟି ହାତୀଦାନ୍ତ ଜବତ ହୋଇ ଥିବାବେଳେ ଦାନ୍ତର ଓଜନ ପାଖାପାଖି ୧୧ କେ ଜି ହେବ ବୋଲି ସୂଚନା ମିଳିଛି । ଉକ୍ତ ଯୁବକକୁ ଘଟଗାଁ ବନ ବିଭାଗ କାର୍ଯାଳୟକୁ ଅଣାଯାଇ କେସ ନମ୍ବର୍ ୬୨ ଜି. (୨୦୨୨/୨୩) ଫରେଷ୍ଟ ଆକ୍ଟ ଅନୁସାରେ ଦଫା ଲଗାଇ ଗିରଫ କରାଯାଇଥିବା ଜଣାପଡିଛି ।
