୨୦୨୩ ମସିହା ନିମନ୍ତେ ଭାରତ ସରକାରଙ୍କ ସରକାରୀ କ୍ୟାଲେଣ୍ଡର କେନ୍ଦ୍ରମନ୍ତ୍ରୀ ଅନୁରାଗ ଠାକୁରଙ୍କ ଦ୍ୱାରା ଉନ୍ମୋଚିତ
କ୍ୟାଲେଣ୍ଡର ବିଷୟବସ୍ତୁ ନୟେ ସାଲ, ନୟେ ସଂକଳ୍ପ ରହିଥିବା ବେଳେ ଏଥିରେ ସରକାରଙ୍କ ସଫଳତା ଓ ଭବିଷ୍ୟତ ପାଇଁ ଅଙ୍ଗୀକାରବଦ୍ଧତା ସ୍ଥାନିତ ହୋଇଛି
ମୋଟ ୧୧ ଲକ୍ଷ କ୍ୟାଲେଣ୍ଡର ଛପା ହେଉଥିବା ବେଳେ ସେଥୁରୁ ୨.୫ ଲକ୍ଷ ଆଂଚଳିକ ଭାଷାରେ ଛପା ହେବ
୧୩ ଭାଷାରେ ମୁଦ୍ରିତ କ୍ୟାଲେଣ୍ଡରଗୁଡିକ ଦେଶର ସମସ୍ତ ସରକାରୀ କାର୍ଯ୍ୟାଳୟ ଏବଂ ପଂଚାୟତରେ ବଂଟାହେବ
ନୂଆଦିଲ୍ଲୀ : କେନ୍ଦ୍ରମନ୍ତ୍ରୀ ଅନୁରାଗ ସିଂ ଠାକୁର ବୁଧବାର ୨୦୨୩ ମସିହା ନିମନ୍ତେ ଭାରତ ସରକାରଙ୍କ ସରକାରୀ କ୍ୟାଲେଣ୍ଡର ଉନ୍ମୋଚନ କରିଛନ୍ତି । ଏହି ଅବସରରେ ଉଦ୍ବୋଧନ ଦେଇ ମନ୍ତ୍ରୀ କ୍ୟାଲେଣ୍ଡରରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସବ୍କା ସାଥ୍, ସବ୍କା ବିକାଶ, ସବ୍କା ବିଶ୍ୱାସର ଛବି ପ୍ରତିଫଳିତ ହୋଇଛି ବୋଲି କହିଥିଲେ । କ୍ୟାଲେଣ୍ଡରଟି ୧୨ଟି ଚିତ୍ରର ଏକ ଚିତାକର୍ଷକ ସଂଗ୍ରହ ତଥା ଏଥିରେ ‘ଅଭିବୃଦ୍ଧିମୁଖ୍ ଭାରତ\’ ବିଷୟବସ୍ତୁ ଥିବାରୁ ସେ ଏହାର ପ୍ରଶଂସା କରିଥିଲେ । ୧୨ମାସରେ ୧୨ କଥାବସ୍ତୁ ଜନ କଲ୍ୟାଣ ଦିଗରେ ସରକାରଙ୍କ ଅକ୍ଳାନ୍ତ ଉଦ୍ୟମର ପ୍ରତିଫଳନ ବୋଲି ସେ କହିଥିଲେ ।
କ୍ୟାଲେଣ୍ଡରଟି କିପରି ଦୁଇବର୍ଷ ବ୍ୟବଧାନ ପରେ ଛପା ହୋଇଛି, ମନ୍ତ୍ରୀ ତାହାର ସ୍ମୃତିଚାରଣ କରିଥିଲେ । ଏହାକୁ ସରକାରଙ୍କ ସର୍ବୋତମ ସୃଜନ ବୋଲି କହି ଶ୍ରୀ ଠାକୁର ଉଭୟ ଡିଜିଟାଲ ଓ ମୁଦ୍ରିତ ଢାଂଚାରେ ଉପଲବ୍ଧ ଏହି କ୍ୟାଲେଣ୍ଡର ସରକାରଙ୍କ କଲ୍ୟାଣମୂଳକ କାର୍ଯ୍ୟକ୍ରମ ଓ ପଦକ୍ଷେପ ସମ୍ପର୍କରେ ସୂଚନା ପ୍ରସାରଣର ମାଧ୍ୟମ ହେବ ବୋଲି କହିଥିଲେ । ଦେଶର ସମସ୍ତ ପଂଚାୟତକୁ ଏହି କ୍ୟାଲେଣ୍ଡର ବଂଟାଯାଇ ତୃଣମୂଳ ସ୍ତରରେ ଏହା ବାର୍ତା ପହଂଚାଇବାରେ ସହାୟକ ହେବ । ମନ୍ତ୍ରୀ ଆହୁରି କହିଥିଲେ ଯେ କ୍ୟାଲେଣ୍ଡରର ଏହି ସଂସ୍କରଣ ସରକାରଙ୍କ ସଫଳତା ଓ ଭବିଷ୍ୟତରେ ଅଙ୍ଗୀକାରବଦ୍ଧତା ସୂଚାଉଥିବାରୁ ଏହା ବିଷୟବସ୍ତୁ ନୟେ ବର୍ଷ, ନୟେ ସଂକଳ୍ପ ରଖାଯାଇଛି । ହିନ୍ଦୀ ଓ ଇଂରାଜୀ ସମେତ ଏହା ୧୩ଟି ଭାଷାରେ ଉପଲବ୍ଧ ଏବଂ ଦେଶର ସମସ୍ତ ସରକାରୀ କାର୍ଯ୍ୟାଳୟ, ପଂଚାଯତରାଜ ଅନୁଷ୍ଠାନ, ସ୍ୱାସ୍ଥ୍ୟକେନ୍ଦ୍ର, ନବୋଦୟ ଓ କେନ୍ଦ୍ରୀୟ ବିଦ୍ୟାଳୟ ଜିଲ୍ଲାର ଜିଲ୍ଲାପାଳ ଓ ବିଡିଓଙ୍କଠାରେ ଉପଲବ୍ଧ ହେବା ସହ ସରକାରୀ ଉଦ୍ୟୋଗ ଓ ସ୍ୱୟଂଶାସିତ ଅନୁଷ୍ଠାନଗୁଡିକ ଏହାକୁ କ୍ରୟ କରିପାରିବେ । ମୋଟ ଏଗାର ଲକ୍ଷ କ୍ୟାଲେଣ୍ଡର ଛାପା ହେଉଥିବାବେଳେ ପଂଚାୟତଗୁଡିକ ବାଂଟିବା ପାଇଁ ୨.୫ଲକ୍ଷ କପି ଉଦ୍ଦିଷ୍ଟ ।
ଶ୍ରୀ ଠାକୁର ମଧ୍ୟ ମନ୍ତ୍ରଣାଳୟର ବିଭିନ୍ନ ବିଭାଗର ସଫଳତା ନେଇ ଦୃଢୋକ୍ତି ପ୍ରକାଶ କରିଥିଲେ । କେବଳ ଅବସ୍ଥିତି ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ୫୦ଟି ଟ୍ରାନ୍ସମିଟରକୁ ଛାଡି ପ୍ରସାର ଭାରତୀ ଏହାର ଆନାଲଗ ଟେରିଷ୍ଟିଆଲ ଟ୍ରାନ୍ସମିଟରଗୁଡିକୁ ବନ୍ଦ କରିଦେଇଛି । ଡିଡି ଫ୍ରି ଡିସ୍ ୨୦୨୨ ପ୍ରାରମ୍ଭରେ ୪୩ ନିୟୁତ ଘରେ ପହଂଚିଥିବାବେଳେ,ପ୍ରସାର ଭାରତୀ ଅଧୀନରେ ଅନ୍ୟାନ୍ୟ ଚ୍ୟାନେଲଗୁଡିକ ଦୁଇକୋଟିରୁ ଅଧିକ ଗ୍ରାହକଙ୍କ ନିକଟରେ ପହଂଚିଛି । ଚଳିତବର୍ଷ ଆଉ ୭୫ଟି ଗୋଷ୍ଠୀ ବେତାର କେନ୍ଦ୍ରକୁ ମିଶାଇ ଦେଶରେ ଏହି ସଂଖ୍ୟା ୩୯୭ରେ ପହଂଚିଛି ବୋଲି ସେ କହିଥିଲେ । ସେ ଆହୁରି କହିଥିଲେ ଯେ କେନ୍ଦ୍ରୀୟ ଯୋଗାଯୋଗ ବ୍ୟୁରୋର ସ୍ୱୟଂକ୍ରିୟ ପଦ୍ଧତି ସମ୍ପୂର୍ଣ୍ଣ ହେଲେ ଖବରକାଗଜ ରେଜିଷ୍ଟ୍ରାର ପାଇଁ ମଧ୍ୟ ସେ ପ୍ରକ୍ରିୟା ଆରମ୍ଭ ହେବ । ସାମ୍ବାଦିକ କଲ୍ୟାଣ ଯୋଜନା ଅଧୀନରେ ମନ୍ତ୍ରଣାଳୟ ଗତ ପାଂଚବର୍ଷ ମଧ୍ୟରେ ୧୩. ୧୨ କୋଟି ଟଙ୍କା ୨୯୦ ଜଣ ସାମ୍ବାଦିକ ଓ ସାମ୍ବାଦିକ ପରିବାରକୁ ପ୍ରଦାନ କରିଥିବା ସେ ପ୍ରକାଶ କରିଥିଲେ ।
କେନ୍ଦ୍ରୀୟ ଯୋଗାଯୋଗ ବ୍ୟୁରୋର ମହାନିର୍ଦ୍ଦେଶକ ଶ୍ରୀ ମନୀଶ ଦେଶାଇ ସମବେତ ବ୍ୟକ୍ତିମାନଙ୍କୁ ଜଣାଇଥିଲେ ଯେ କ୍ୟାଲେଣ୍ଡର ବିଷୟବସ୍ତୁ “ନୟେ ବର୍ଷ ନୟେ ସଂକଳ୍ପ’ ଭାରତ ସରକାରଙ୍କ ବିଭିନ୍ନ କାର୍ଯ୍ୟକ୍ରମ ଓ ନୀତି ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ସମ୍ପନ୍ନ ଚିନ୍ତାଧାରା ଓ ନେତୃତ୍ୱକୁ ଭିତିକରି ହୋଇଛି । କ୍ୟାଲେଣ୍ଡର ଦେଶସାରା ଅବସ୍ଥିତ କେନ୍ଦ୍ରୀୟ ସରକାରୀ କାର୍ଯ୍ୟାଳୟରେ ବଂଟା ହେବ । ଏଥିସହ ସିବିସିର ସମୂହ ମେଲିଂ ୟୁନିଟ୍ ମଧ୍ୟ ଭାରତୀୟ ଡାକ ସେବା ଭାଷାରେ କ୍ୟାଲେଣ୍ଡର ବାଂଟିବ ବୋଲି ଶ୍ରୀ ଦେଶାଇ କହିଥିଲେ ।
କ୍ୟାଲେଣ୍ଡର ସମ୍ପର୍କରେ :
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୂରଦୃଷ୍ଟି ସମ୍ପନ୍ନ ନେତୃତ୍ୱ ଓ ଚିନ୍ତାଧାରାକୁ ଭିତିକରି କ୍ୟାଲେଣ୍ଡର-୨୦୨୩ ପ୍ରସ୍ତୁତ ହୋଇଛି । ପ୍ରତ୍ୟେକ ମାସ ଏକ ସଶକ୍ତ ଭାରତକୁ ପରିପୃଷ୍ଟ କରିବା ପାଇଁ ପ୍ରଶାସନିକ ନୀତି ଉପରେ ଆଲୋକପାତ କରିଛି ।
ଜାନୁୟାରୀ-ଭାରତ ଅମୃତକାଳରେ ପ୍ରବେଶ କରୁଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଜପଥକୁ କର୍ତବ୍ୟପଥ ଭାବେ ସେପ୍େଟମ୍ବର ୨୦୨୨ରେ ପୁର୍ନନାମିତ କରିଛନ୍ତି । ଏହା ଆମର ଉପନିବେଶ ମନୋବୃତି ଉପରେ କୁଠାରଘାତ କରି ଆମ ନିଜ ଦେଶର ରାସ୍ତାରେ ଅଗ୍ରସର ହେବାର ପ୍ରତୀକ ଭାବେ ଦର୍ଶାଯାଇଛି । ଫେବୃୟାରୀ-ଫେବୃୟାରୀ କିଷାନ କଲ୍ୟାଣ ବା ଚାଷୀ କଲ୍ୟାଣ କାର୍ଯ୍ୟକ୍ରମ ପ୍ରତି ଉତ୍ସର୍ଗୀକୃତ । ଚାଷୀମାନେ ଆମ ଦେଶର ଗର୍ବ ଓ ସରକାର ଏକମ ସମୃଦ୍ଧ ଭାରତ ଗଠନ ତଥା ସେମାନଙ୍କୁ ସଶକ୍ତ କରିବା ପାଇଁ ଅନେକ ନୀତି କାର୍ଯ୍ୟକାରୀ କରାଯାଇଥିବା ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଯଥାର୍ଥରେ କହିଛନ୍ତି ।
ମାର୍ଚ୍ଚ- ମାର୍ଚ୍ଚ ମାସ ହେଉଛି ଭାରତୀୟ ମହିଳା ବା ନାରୀଶକ୍ତି ଜାଗରଣ ପ୍ରତି ସମ୍ମାନ । ପ୍ରତ୍ୟେକ ଘରର ମହିଳାଙ୍କୁ ଧନ୍ୟବାଦ ଜଣାଇ ଏଇ ମାସରେ ଆମେ ମାର୍ଚ୍ଚ ୮ ତାରିଖଦିନ ଆନ୍ତର୍ଜାତୀୟ ମହିଳା ଦିବସ ପାଳନ କରୁଛୁ । ମହିଳାମାନେ କୌଣସି ବାଧାବିଘ୍ନ ଭୂକ୍ଷେପ ନ କରି ନିଜ ପାଇଁ ଓ ଅନ୍ୟମାନଙ୍କ ନିମନ୍ତେ ଦୃଷ୍ଟାନ୍ତ ସାଜିଥାନ୍ତି । ଭାରତ ସରକାର ମହିଳାଙ୍କୁ ସମ୍ମାନ ଜଣାଇ ପ୍ରତିବର୍ଷ ଦକ୍ଷତା ଭିତିରେ ନାରୀଶକ୍ତି ପୁରସ୍କାର ଦେଇଥାଏ ।
ଏପ୍ରିଲ-ଶିକ୍ଷାଗତ ସଂସ୍କାର ସରକାରଙ୍କ କାର୍ଯ୍ୟକ୍ରମର ଏକ ବିଶେଷ ଅଙ୍ଗଜପାଲଟିଛି । ଏହି ଲକ୍ଷ୍ୟ ସାରାଂଶ ହେଉଛି ପ୍ରଧାନମନ୍ତ୍ରୀଙ୍କ ସ୍ଲୋଗାନ “ପଢେ ଭାରତ,ବଢେ ଭାରତ “ ଓ ଏପ୍ରିଲ କଥାବସ୍ତୁ ହେଉଛି ଶିକ୍ଷିତ ଭାରତ । ତୃଣମୂଳ ସ୍ତରୀୟ ପ୍ରାଥମିକ, ମାଧ୍ୟମିକ ଓ ଉଚ୍ଚଶିକ୍ଷା କ୍ଷେଦ୍ରରେ ନୂତନ ଶିକ୍ଷା ନୀତିରେ ପରିବର୍ତନ ଭାରତୀୟ ଶିକ୍ଷା ପଦ୍ଧତିରେ ବହୁଦିନରୁ ଆବଶ୍ୟକ ଥିଲା ।
ମଇ- ମଇ ହେଉଛି କୌଶଳ ଭାରତ କାର୍ଯ୍ୟକ୍ରମ ନିମନ୍ତେ ଉତ୍ସର୍ଗୀକୃତ ମାସ । ଆନୁଷ୍ଠାନିକ ପଦ୍ଧତିରେ ଦେଶର ୩୦କୋଟି ଜନସାଧାରଣଙ୍କୁ ତାଲିମ ଦେବା ହେଉଛି ଜାତୀୟ କୌଶଳ ବିକାଶ ଅଭିଯାନର ଲକ୍ଷ୍ୟ । କୌଣସି ଯୁବକ ଯୁବତୀଙ୍କଠାରେ ଯେପରି ସେମାନଙ୍କ ସାମର୍ଥ୍ୟର ଅଭାବ ପରିଲକ୍ଷିତ ନ ହୁଏ, ତାହା କୌଶଳ ବିକାଶ ସୁନିଶ୍ଚିତ କରିବ ।
ଜୁନ-ଜୁନ ୨୧ ତାରିଖ ଦିନ ଆନ୍ତର୍ଜାତିକ ଯୋଗ ଦିବସ ବିଶ୍ୱବ୍ୟାପୀ ପାଳିତ ହୁଏ । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭାରତରେ ସବୁ ବୟସର ଜନସାଧାରଣଙ୍କୁ ଶାରୀରିକ ଦୃଷ୍ଟିରୁ ଦକ୍ଷ ରଖିବାକୁ ଫିଟ ଇଣ୍ଡିଆ ଅଭିଯାନ ଆରମ୍ଭ କରିଥିଲେ । ମାସର କଥା ବସ୍ତୁ ହେଉଛି, ‘ଫିଟ୍ ଇଣ୍ଡିଆ, ହିଟ୍ ଇଣ୍ଡିଆ’ ଫିଟନେସ ମନ୍ତ୍ର ଦେଶର ଘରେ ଘରେ ପହଂଚାଇବାକୁ ଉଦ୍ଦିଷ୍ଟ ।
ଜୁଲାଇ- ପରିବେଶ ସ୍ୱାସ୍ଥ୍ୟ ବିନା ସ୍ୱାସ୍ଥ୍ୟ ଉପରେ ଆଲୋଚନା ଅସମ୍ପୂର୍ଣ୍ଣ । ପରିବେଶ ବନ୍ଧୁ ଭାବାପନ୍ନ ହେବାକୁ ଭାରତ ଏକ ସ୍ୱାସ୍ଥ୍ୟ ବିକଳ୍ପର ଅଗ୍ରଣୀ ଭୂମିକା ଗ୍ରହଣ କରିଛି । ମିଶନ ଲାଇଫ ଜନସାଧାରଣଙ୍କୁ ହ୍ରାସ, ପୁନଃ ବ୍ୟବହାର ଓ ପୁନଃ ପ୍ରକ୍ରିୟାକରଣ ବ୍ୟବସ୍ଥା ଗ୍ରହଣ ପାଇଁ ଶିକ୍ଷା ଦିଏ ।
ଅଗଷ୍ଟ-କେବଳ ଅଲିମ୍ପିକ୍ସ ବା ରାଜ୍ୟଗୋଷ୍ଠୀ କ୍ରୀଡା ନୁହଁ ବରଂ ଅନ୍ୟାନ୍ୟ ଆନ୍ତର୍ଜାତିକ ଦିବ୍ୟାଙ୍ଗ କ୍ରୀଡା କ୍ଷେତ୍ରରେ ମଧ୍ୟ ଭାରତୀୟମାନେ ସେମାନଙ୍କ କ୍ରୀଡା ନୈପୁଣ୍ୟ ପ୍ରଦର୍ଶନ କରିଛନ୍ତି । ଅଗଷ୍ଟ-ମାସରେ ବିଷୟବସ୍ତୁ ହେଉଛି ଖେଲୋ ଇଣ୍ଡିଆ “ଭାରତୀୟ କ୍ରୀଡାବିତ୍ଙ୍କୁ ତୃଣମୂଳ ସ୍ତରକରୁ ସମର୍ଥନ ଯୋଗାଇବା ତଥା ବିଶ୍ୱସ୍ତରୀୟ ଭିତିଭୂମି ଓ ଭାରତକୁ ପୋଡିୟମ ଶୀର୍ଷକୁ ଦେବା ପାଇଁ ଉଦ୍ଦିଷ୍ଟ ।
ସେପ୍ଟେମ୍ବର- “ବସୁଧୈବ କୁଟୁମ୍ବକମ୍” ବା ବିଶ୍ୱ ହେଉଛି ଗୋଟିଏ ପରିବାର ହେଉଛି ସେପ୍ଟେମ୍ବର ମାସର କଥାବସ୍ତୁ । ଭାରତରେ ଜି-୨୦ରେ ଅଧ୍ୟକ୍ଷତା ଯାହା “ଗୋଟିଏ ପୃଥିବୀ, ଗୋଟିଏ ପରିବାର, ଗୋଟିଏ ଭବିଷ୍ୟତ’ ଉପରେ ପର୍ଯ୍ୟବସିତ ତାହା ପ୍ରାଚୀନ ଭାରତୀୟ ପରମ୍ପରାର ସ୍ୱାକ୍ଷର ବହନ କରିଥାଏ । ସ୍ୱାର୍ଥ ଓ ସମ୍ବେଦନା ସମସ୍ତଙ୍କୁ ଏକ ପ୍ରକାର ପ୍ରଭାବିତ କରିଥାଏ ଓ ଆମେ ସମସ୍ତେ ଜୀବନର ଗୁଣାତ୍ମକ ମାନ ଉନ୍ନତି କରିବା ଆବଶ୍ୟକ ।
ଅକ୍ଟୋବର- ତାରା ନିକଟରେ ପହଂଚିବାକୁ ଲକ୍ଷ୍ୟ ରଖୁବେଳେ ଆମେ ଦେଶର ଦୈନିକ ଆବଶ୍ୟକତାଗୁଡିକୁ ଅଣଦେଖା କରିବା ମଧ୍ୟ ଅନୁଚିତ । ସରକାର ଖାଦ୍ୟ ସୁରକ୍ଷା ଆଇନ ସୁନିଶ୍ଚିତ କରିଛନ୍ତି । ଅକ୍ଟୋବର ମାସରେ ବିଷୟବସ୍ତୁ ସେଥିପାଇଁ ହେଉଛି ଖାଦ୍ୟ ସୁରକ୍ଷା ।
ନଭେମ୍ବର- ପ୍ରଧାନମନ୍ତ୍ରୀ ଦେଶକୁ ଆତ୍ମନିର୍ଭର କରିବା ଉତ୍ସାହକୁ ପ୍ରାଧାନ୍ୟ ଦେଇ ନଭେମ୍ବର ମାସର କଥାବସ୍ତୁ ହେଉଛି ଆତ୍ମ ନିର୍ଭର ଭାରତ । ନଭେମ୍ବର ୨, ୨୦୨୨ରେ ଆଇଏନଏସ୍ ବିକ୍ରାନ୍ତର ନୌସେନାରେ ସାମିଲ ଏହା ଦୃଷ୍ଟାନ୍ତ । କୋଚିନ ସିପାୟାର୍ଡରେ ଭାରତରେ ନିର୍ମିତ ହୋଇଥିବା ଏହା ପ୍ରଥମ ଏୟାର କ୍ରାଫ୍ଟ କ୍ୟାରିୟର ।
ଡିସେମ୍ବର- ଉତର ପୂର୍ବାଂଚଳରେ ଲୁକ୍କାୟିତ ପ୍ରତିଭା ଓ ଜୀବନମାନ ସମୃଦ୍ଧ ପାଇଁ ପ୍ରଧାନମନ୍ତ୍ରୀ ଏହି ଉତରପୂର୍ବାଂଚଳରେ ଆଠଟି ରାଜ୍ୟକୁ ଅଷ୍ଟଲକ୍ଷ୍ମୀଭାବେ ନାମିତ କରିଛନ୍ତି । ଏହା ଆଠଟି ରାଜ୍ୟରର ପ୍ରାକୃତିକ ବିଭବ, ବାଣିଜ୍ୟ ଓ ଭାରତୀୟ ସମୃଦ୍ଧିର ବିବିଧ ସଂସ୍କୃତିକୁ ଦର୍ଶାଉଛି ।