କରୋନା ଉପରେ କୋଭାକ୍ସିନ ୭୭.୮% ଓ ଡେଲ୍ଟାରେ ୬୫.୨% ପ୍ରଭାବଶାଳୀ
![](https://thetruths.in/wp-content/uploads/2021/07/Bharat-Biotech.jpg)
- ଆସିଲା କୋଭାକ୍ସିନ ୩ୟ ପର୍ଯ୍ୟାୟ କ୍ଲିନିକାଲ ପରୀକ୍ଷଣ ଫଳାଫଳ
ନୂଆଦିଲ୍ଲୀ : ଭାରତର ସ୍ୱଦେଶୀ ଟିକା ନିର୍ମାତା ତଥା ଭାରତ ବାୟୋଟେକ୍ ଦ୍ୱାରା ପ୍ରସ୍ତୁତ କୋଭିଡ ଟିକା କୋଭାକ୍ସିନର ୩ୟ ପର୍ଯ୍ୟାୟ ପରୀକ୍ଷଣ ଫଳାଫଳ ସର୍ବସମ୍ମୁଖକୁ ଆସିଛି। ସେଥିରୁ କୋଭାକ୍ସିନ କୋଭିଡ-୧୯ ମହାମାରୀ ବିରୁଦ୍ଧରେ ଅତୁଳନୀୟ ନିରାପତ୍ତା ସୁନିଶ୍ଚିତ କରୁଥିବା ଜଣାଯାଇଛି। ହାଇଦ୍ରାବାଦ ସ୍ଥିତ ଭାରତ ବାୟୋଟେକ କହିଛି ଯେ କୋଭାକ୍ସିନ ପାଇଁ ଶେଷ ପର୍ଯ୍ୟାୟ ତଥ୍ୟ ବିଶ୍ଳେଷଣ କରିଛି । ଏହାସହ କୋଭାକ୍ସିନ ଟିକା କରୋନା ରୋଗୀ ଏବଂ ଡେଲଟା ଭାରିଆଣ୍ଟ ରୋଗୀଙ୍କ କ୍ଷେତ୍ରରେ ଅଧିକ ପ୍ରଭାବଶାଳୀ ବୋଲି ସ୍ପଷ୍ଟ ହୋଇଛି । ସବୁଠାରୁ ବଡ କଥା ହେଉଛି ଏହି ଟିକା ନେବା ପରବର୍ତ୍ତୀ ସମୟରେ ଲୋକଙ୍କ ଠାରେ ସର୍ବନିମ୍ନ ପ୍ରତିକ୍ରିୟା ଲକ୍ଷ୍ୟ କରାଯାଉଛି।
ପ୍ରକାଶିତ ପରୀକ୍ଷଣର ତଥ୍ୟ ଅନୁଯାୟୀ, ଶେଷ ପର୍ଯ୍ୟାୟ ପରୀକ୍ଷଣରେ କରୋନା ବିରୋଧରେ ସ୍ୱଦେଶୀ ଟିକା ୭୭.୮ ପ୍ରତିଶତ ପ୍ରଭାବଶାଳୀ ବୋଲି ଜଣାପଡିଛି । ଏଥିସହ, ଏହି ଟିକା ବିଶ୍ୱବ୍ୟାପୀ ନୂତନ ଉତ୍ତେଜନା ସୃଷ୍ଟି କରୁଥିବା ବିପଜ୍ଜନକ ଡେଲଟା ପ୍ରକାରଗୁଡିକ ବିରୋଦ୍ଧରେ ୬୫.୨% ପ୍ରଭାବଶାଳୀ ବୋଲି ଜଣାପଡିଛି । ପ୍ରି-ପ୍ରିଣ୍ଟ ତଥ୍ୟକୁ ଦର୍ଶାଇ ଭାରତ ବାୟୋଟେକ୍ କହିଛନ୍ତି ଯେ ଲକ୍ଷଣଗତ କରୋନା ରୋଗୀଙ୍କ ବିରୋଧରେ ଏହାର କୋଭାକ୍ସିନ୍ ୭୭.୮ ପ୍ରତିଶତ ପ୍ରଭାବଶାଳୀ ଅଟେ । ଏଥି ସହିତ, କୋଭୋସିନ୍ କରୋନା ଗୁରୁତର ରୋଗୀଙ୍କ ବିରୋଧରେ ୯୩.୪ ପ୍ରତିଶତ ପ୍ରଭାବଶାଳୀ ଅଟେ । ଏଥିସହ, ଏହା କରୋନାର ଡେଲ୍ଟ ପ୍ରକାରଗୁଡିକ ବିରୋଧରେ ୬୫.୨% ପ୍ରଭାବଶାଳୀ । ଭାରତ ବାୟୋଟେକ୍ ୧୩୦ଟି କରୋନା ମାମଲାରେ ଏହି ପରୀକ୍ଷା କରିଛି । ଏହାର ଶେଷ ପର୍ଯ୍ୟାୟ ତଥ୍ୟର ବିଶ୍ଳେଷଣ ଅନୁଯାୟୀ କମ୍ପାନୀ କହିଛି ଯେ କରୋନା ରୋଗୀଙ୍କ ବିରୋଧରେ କୋଭାକ୍ସିନ ୬୩.୬ % ପ୍ରଭାବଶାଳୀ ଅଟେ ।