ପଶ୍ଚିମବଙ୍ଗକୁ ୯ ଓ୍ବିକେଟ୍ରେ ହରାଇ ରଣଜୀ ଚାମ୍ପିୟନ ହେଲା ସୌରାଷ୍ଟ୍ର
ଜୟଦେବ ଉନଦକତ୍ ପ୍ଲେୟାର ଅଫ୍ ଦି ମ୍ୟାଚ୍
ଅର୍ପିତ୍ ଭସବଦା ପ୍ଲେୟାର ଅଫ୍ ଦି ମ୍ୟାଚ୍ ସିରିଜ୍
ନୂଆଦିଲ୍ଲୀ : ରଣଜୀ ଇତିହାସରେ ଦ୍ବିତୀୟ ଥର ପାଇଁ ଚାମ୍ପିୟନ ତାଲିକାରେ ନିଜ ନାଁ ଲେଖିଲା ସୌରାଷ୍ଟ୍ର । ରଣଜୀ ଟ୍ରଫି ଫାଇନାଲରେ ବେଙ୍ଗଲକୁ ୯ ଓ୍ବିକେଟ୍ ହରାଇ ଚଳିତ ରଣଜୀ ଚାମ୍ପିଆନ୍ ହୋଇଛି ସୌରାଷ୍ଟ୍ର ଦଳ । ଦଳ ପକ୍ଷରୁ ଜୟଦେବ ଉନଦକତ୍ ପ୍ଲେୟାର ଅଫ୍ ଦି ମ୍ୟାଚ୍ ହୋଇଥିବା ବେଳେ ଅର୍ପିତ୍ ଭସବଦା ପ୍ଲେୟାର ଅଫ୍ ଦି ମ୍ୟାଚ୍ ସିରିଜ୍ ହୋଇଛନ୍ତି ।
That Winning Feeling 🏆 😊
— BCCI Domestic (@BCCIdomestic) February 19, 2023
Congratulations to the @JUnadkat-led Saurashtra on their #RanjiTrophy title triumph 🙌 🙌 #BENvSAU | #Final | @saucricket | @mastercardindia
Scorecard 👉 https://t.co/hwbkaDeBSj pic.twitter.com/m2PQKqsPOG
ଫାଇନାଲ୍ ମ୍ୟାଚରେ ପଶ୍ଚିମବଙ୍ଗ ପ୍ରଥମେ ବ୍ୟାଟିଂ କରଥିଲା । ସୌରାଷ୍ଟ୍ରର ପେସ୍ ବୋଲିଂ ଆଗରେ ହାତ ଟେକି ଦେଇଥିଲା ଓପନର ଓ ମଧ୍ୟକ୍ରମ ବ୍ୟାଟର । ସୌରାଷ୍ଟ୍ର ପକ୍ଷରୁ ଜୟଦେବ ଉନଦକତ୍ ଓ ଚେତନ ସାକାରିଆ ୩ଟି ଲେଖାଏଁ ଓ୍ବିକେଟ୍ ନେଇଥିବାବେଳେ ଚିରାଗ୍ ଜନି ଓ ଦା ଜାଡେଜାଙ୍କୁ ୨ଟି ଲେଖାଏଁ ଓ୍ବିକେଟ୍ ମିଳିଛି । ପ୍ରଥମ ଇନିଂସରେ ଦଳ ମାତ୍ର ୧୭୪ ରନ୍ ସଂଗ୍ରହ କରିବାରେ ସକ୍ଷମ ହୋଇଥିଲା। ଅନ୍ୟପଟେ ପ୍ରଥମ ଇନିଂସରେ ସୌରାଷ୍ଟ୍ର ଚତ୍ମକାର ପ୍ରଦର୍ଶନ କରିଥିଲା । ୪୦୪ ରନ୍ ସଂଗ୍ରହ କରି ବେଙ୍ଗଲକୁ ୨୩୦ ରନ୍ର ଲିଡ୍ ଦେଇଥିଲା । ପ୍ରଥମ ଇନିଂସରେ ଦଳ ପକ୍ଷରୁ ଭସବଦା ସର୍ବାଧିକ ୮୧ ରନ୍ର ପାଳି ଖେଳିଥିଲେ । ସେହିପରି ହାରଭିକ୍ ଦେଶାଇ, ଜ୍ୟାକସନ୍ ଓ ଚିରାଗ୍ ଅର୍ଦ୍ଧଶତକୀୟ ପାଳି ଖେଳିଥିଲେ ।
ସେହିପରି ଦ୍ବିତୀୟ ଇନିଂସରେ ବେଙ୍ଗଲ ଦଳ ଲଢେଇ କରିଥିଲା । ଟିମ୍ ୧୦ ଓ୍ବିକେଟ୍ ହରାଇ ୨୪୧ ରନ୍ ସଂଗ୍ରହ କରି ସୌରାଷ୍ଟ୍ରକୁ ମାତ୍ର ୧୩ ରନ୍ର ଲିଡ୍ ଦେଇଥିଲା। ସୌରାଷ୍ଟ୍ର ଟିମ୍ ୧୪ରନ୍ର ଟାର୍ଗେଟ୍କୁ ଗୋଟିଏ ଓ୍ବିକେଟ୍ ହରାଇ ସହଜରେ ଜିତି ନେଇଥିଲା ।