ରବିବାର ଏହି ଉପାୟରେ କରନ୍ତୁ ସୂର୍ଯ୍ୟଦେବଙ୍କ ଉପାସନା! ପରାସ୍ତ ହେବେ ଶତ୍ରୁ, ମିଳିବ ମାନ-ସମ୍ମାନ

ହିନ୍ଦୁ ଶାସ୍ତ୍ର ଅନୁସାରେ ପ୍ରତ୍ୟେକ ଦିନର କିଛି ନା କିଛି ବିଶେଷତ୍ୱ ରହିଛି | ଠିକ ସେହିଭଳି ରବିବାର ସୂର୍ଯ୍ୟଦେବଙ୍କ ବିଶେଷ ପୂଜାର୍ଚ୍ଚନା କରାଯାଇଥାଏ | ରବିବାର ସୂର୍ଯ୍ୟଦେବଙ୍କ ପାଇଁ ସମର୍ପିତ | ରବିବାର ଦିନ ବ୍ରତ ରଖିଲେ ସୂର୍ଯ୍ୟ ଭଗବାନ ଶୀଘ୍ର ପ୍ରସନ୍ନ ହୋଇଥାନ୍ତି | ଯଦି ଆପଣଙ୍କର କୌଣସି ଇଚ୍ଛା ଅଛି ଏବଂ ତାହା ପୂରଣ ହେଉନାହିଁ ତାହେଲେ ରବିବାର ବ୍ରତ ପାଳନ କରିବା ଦ୍ୱାରା ନିଶ୍ଚୟ ପୂରଣ ହେବ | ସୂର୍ଯ୍ୟଦେବଙ୍କ କୃପା ପାଇଁ ରବିବାର ବ୍ରତ ସବୁଠାରୁ ଶ୍ରେଷ୍ଠ ବୋଲି ବିଚାର କରାଯାଏ | ରବିବାର ଦିନ ଶୁଦ୍ଧ ମନରେ ଆରାଧନା କଲେ ସୁଖ ଶାନ୍ତି ପ୍ରାପ୍ତି ହୋଇଥାଏ | ଧର୍ମ ଗ୍ରନ୍ଥ ଅନୁସାରେ, ସୂର୍ଯ୍ୟଙ୍କୁ ଅର୍ଘ୍ୟ ଦାନର ବିଶେଷ ମହତ୍ୱ ରହିଛି |

ରବିବାରର ମହାଉପାୟ :

ରବିବାର ଦିନ ସୂର୍ଯ୍ୟଙ୍କୁ ମନ୍ଦାର କିମ୍ବା ଅରଖ ଫୁଲ ଅର୍ପଣ କରିବେ | ଗହମ, ଗୁଡ ଏବଂ ତମ୍ବା ବାସନ ଦାନ କରିବେ | ଉପବାସ ରଖିବେ ଅଥବା ସାକାହାରୀ ଭୋଜନ କରିବେ | ରବିବାର ଦିନ ମାଣିକ୍ୟ ପିନ୍ଧିଲେ ବିଶେଷ ଲାଭ ମିଳିଥାଏ |

ସୂର୍ଯ୍ୟ ପୂଜା ନିୟମ :

ପ୍ରତିଦିନ ସୂର୍ଯ୍ୟୋଦୟ ପୂର୍ବରୁ ଉଠି ସ୍ନାନ କରିବେ | ଏହାପରେ ସୂର୍ଯ୍ୟ ନାରାୟଣଙ୍କୁ ୩ଥର ଅର୍ଘ୍ୟ ପ୍ରଦାନ କରି ପ୍ରଣାମ କରିବେ | ସନ୍ଧ୍ୟା ସମୟରେ ପୁଣି ସୂର୍ଯ୍ୟଙ୍କୁ ଅର୍ଘ୍ୟ ପ୍ରଦାନ କରି ପ୍ରଣାମ କରିବେ |

କରନ୍ତୁ ଏହି ଉପାୟ ପ୍ରସନ୍ନ ହେବେ ସୂର୍ଯ୍ୟଦେବ :

ଏକ ତମ୍ବା ଢାଳରେ ପାଣି ନେବେ | ସେଥିରେ ନାଲି ଫୁଲ ଏବଂ ଚାଉଳ ପକେଇବେ | ପ୍ରସନ୍ନ ମନରେ ସୂର୍ଯ୍ୟଦେବଙ୍କ ମନ୍ତ୍ର ଜପ କରିବେ | ଏହାପରେ ଭଗବାନ ସୂର୍ଯ୍ୟଙ୍କୁ ଅର୍ଘ୍ୟ ପ୍ରଦାନ କରିବେ | ଅର୍ଘ୍ୟ ଦାନରେ ସୂର୍ଯ୍ୟ ପ୍ରସନ୍ନ ହୋଇଥାନ୍ତି |

ଶତ୍ରୁଙ୍କ ଠାରୁ ମିଳିବ ବିଜୟ :

ଶତ୍ରୁଙ୍କ ଠାରୁ ବିଜୟ ପାଇବା ପାଇଁ ରବିବାର ଦିନ ଉପବାସ କରିବେ | ଉପବାସ ରଖିବା ପରେ ଲୁଣ ଖାଇବେ ନାହିଁ | ସକାଳୁ ଶୀଘ୍ର ସେଯାତୟାଗ କରି ଶୁଦ୍ଧ ହୋଇ ସ୍ନାନ କରି ସୂର୍ଯ୍ୟଦେବଙ୍କୁ ଜଳ ଅର୍ପଣ କରିବେ | ସୂର୍ଯ୍ୟ କିରଣରେ ବସି “ଆଦିତ୍ୟ ହୃଦୟ ସ୍ତୋତ୍ର” ପାଠ କରିବେ | ବିଜୟ ପ୍ରାପ୍ତି ପାଇଁ ଶୁଦ୍ଧ ମନରେ ପ୍ରାର୍ଥନା କରିବେ |

ମିଳିବ ମାନ-ସମ୍ମାନ :

ଜଳରେ ଚନ୍ଦନ, ଫୁଲ ଏବଂ ସିନ୍ଦୁର ମିସାଇବେ | ଏହାକୁ ସୂର୍ଯ୍ୟଦେବଙ୍କୁ ଅର୍ପଣ କରିବେ | ତମ୍ବାର ଏକ ଚାରିକୋଣିଆ ଟୁକୁଡା ସୂର୍ଯ୍ୟଙ୍କୁ ଅର୍ପଣ କରିବେ | “ଓଁ ଭାସ୍କରାୟ ନମଃ” ମନ୍ତ୍ର ଜପ କରିବେ | ଏହାପରେ ତମ୍ବାର ସେହି ଚାରିକୋଣିଆ ଟୁକୁଡା ନିଜ ପାଖରେ ରଖିବେ | ଏହା ଦ୍ୱାରା ମାନ ସମ୍ମାନ ବୃଦ୍ଧି ପାଇବ |