ରାସ୍ତାରେ ଯାଉଥିବା ବେଳେ ମାଡ଼ିଗଲା ବସ୍, ବୃଦ୍ଧ ମୃତ
ଯାଜପୁର : ଯାଜପୁର ଜିଲା ମଙ୍ଗଳପୁର ଥାନା ଦୁବକଠାରେ ରାସ୍ତାରେ ଯାଉଥିବା ବେଳେ ମାଡ଼ିଗଲା ବସ୍। ଫଳରେ ଘଟଣାସ୍ଥଳରେ ବୃଦ୍ଧଙ୍କ ମୃତ୍ୟୁ ହୋଇଛି। ମୃତକ ଲାଲବାଗ ଅଞ୍ଚଳର ଦୟାନିଧି ମଲ୍ଲିକ ବୋଲି ଜଣାପଡିଛି ।
ସୂଚନା ଯେ, ମଙ୍ଗଳପୁର ଥାନା ଲାଲବାଗ ଅଞ୍ଚଳର ଦୟାନିଧି ମଲ୍ଲିକ (୫୫) ରବିବାର ସକାଳୁ ଦୋକାନକୁ ଯାଉଥିଲେ । ଠିକ୍ ଏହି ସମୟରେ ଦୁବକଣ ନିକଟରେ ଏକ ବସ୍ ତାଙ୍କ ଉପରେ ଚଢିଯାଇଥିଲା । ଯାହାଫଳରେ ଘଟଣାସ୍ଥଳରେ ହିଁ ଦୟାନିଧିଙ୍କ ମୃତ୍ୟୁ ଘଟିଛି । ତେବେ ବସ୍ଟି କୟାଁଗୋଲାରୁ କଟକ ଅଭିମୁଖେ ଯାଉଥିବା ଜଣାପଡ଼ିଛି। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି ।
