ହରିଣ ଶିକାର କରି ମାଂସ କାଟୁଥିବା ବେଳେ ୨ ଶିକାରୀ ଗିରଫ
ଆଠଗଡ଼ : ଆଠଗଡ଼ ବନଖଣ୍ଡ ଖୁଣ୍ଟୁଣୀ ବନାଞ୍ଚଳ ସଶାଙ୍ଗ ଗାଁରେ ଘଟିଛି ଘଟଣା । ହରିଣ ଶିକାର କରି ମାଂସ କାଟୁଥିବା ବେଳେ ବନବିଭାଗ ପକ୍ଷରୁ ଚଢାଉ କରାଯାଇଛି ।
ବିଶେଷ ସୁତ୍ରରୁ ଖବର ପାଇଁ ଖୁଣ୍ଟୁଣୀ ବନବିଭାଗର କର୍ମଚାରୀମାନେ ସଶାଙ୍ଗ ଗାଁରେ ଚଢାଉ କରିଥିଲେ । ଏଠାରେ ହରିଣକୁ ଶିକାର କରି କଟାଯାଉଥିବାର ଖବର ପାଇଥିଲା ବନବିଭାଗ । ଘଟଣାସ୍ଥଳରେ ବନବିଭାଗ ପହଞ୍ଚି ହରିଣର ମୃତଦେହକୁ ଜବତ କରିବା ସହ ୨ଜଣ ଶିକାରୀଙ୍କୁ ଗିରଫ କରିଛି । ଗିରଫ ୨ଜଣ ହେଲେ ଶଶାଙ୍ଗ ଗାଁର ହୃନ୍ଦାନନ୍ଦ ପ୍ରଧାନ ଓ ଭବନ ପ୍ରଧାନ ।
