ଆଜି ପ୍ରଥମ ଅରୁଣ ଜେଟ୍ଲୀ ସ୍ମୃତି ବ୍ୟାଖ୍ୟାନରେ ଭାଗ ନେବେ ପ୍ରଧାନମନ୍ତ୍ରୀ
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ସନ୍ଧ୍ୟା ୬ଟା ୩୦ ମିନିଟ୍ ସମୟରେ ବିଜ୍ଞାନ ଭବନରେ ପ୍ରଥମ ଅରୁଣ ଜେଟ୍ଲୀ ସ୍ମୃତି ବ୍ୟାଖ୍ୟାନ(ଏଜେଏମ୍ଏଲ୍)ରେ ଭାଗ ନେବେ । କାର୍ଯ୍ୟକ୍ରମ ସମୟରେ ପ୍ରଧାନମନ୍ତ୍ରୀ ଉପସ୍ଥିତ ଲୋକଙ୍କୁ ସମ୍ବୋଧିତ ମଧ୍ୟ କରିବେ ।
ପ୍ରଧାନମନ୍ତ୍ରୀ କାର୍ଯ୍ୟାଳୟ ଅନୁଯାୟୀ, ସିଙ୍ଗାପୁର ସରକାରଙ୍କ ବରିଷ୍ଠ ମନ୍ତ୍ରୀ ଥରମନ ଶନମୁଗରତ୍ନମ ପ୍ରଥମ ଅରୁଣ ଜେଟଲୀ ସ୍ମୃତି ବ୍ୟାଖ୍ୟାନରେ ସମାବେଶୀତାର ମାଧ୍ୟମରେ ବିକାଶ, ବିକାଶର ମାଧ୍ୟରେ ସମାବେଶିତା ବିଷୟ ଉପରେ ମୁଖ୍ୟ ଭାଷଣ ଦେବେ । ବ୍ୟାଖ୍ୟାନ ପରେ ମାଥିୟାସ କାର୍ମନ(ଓଇସିଡି ମହାସଚିବ) ଏବଂ ଅରବିନ୍ଦ ପନଗଢ଼ିୟା(ପ୍ରଫେସର, କୋଲମ୍ବିଆ ବିଶ୍ୱବିଦ୍ୟାଳୟ) ଦ୍ୱାରା ପ୍ୟାନେଲ ଚର୍ଚ୍ଚା ହେବ ।
