ସେପ୍ଟେମ୍ବର ୯ରେ ରିଲିଜ ହେବ ରଣବୀର ଓ ଆଲିଆଙ୍କ ଫିଲ୍ମ ‘ବ୍ରହ୍ମାସ୍ତ୍ର’
ମୁମ୍ୱାଇ : ଆସନ୍ତା ସେପ୍ଟେମ୍ବର ୯ରେ ରିଲିଜ ହେବାକୁ ଯାଉଛି ରଣବୀର କପୁର ଏବଂ ଆଲିଆ ଭଟ୍ଟଙ୍କ ଫିଲ୍ମ ‘ବ୍ରହ୍ମାସ୍ତ୍ର’ । ଏହା ପୂର୍ବରୁ ଦର୍ଶକଙ୍କ ମଧ୍ୟରେ ଏହାର କ୍ରେଜ୍ ଦେଖିବାକୁ ମିଳିଲାଣି । ରିଲିଜ ପୂର୍ବରୁ ଟ୍ରେଲରଟି ଖୁବ୍ ଜବରଦସ୍ତ ରେସପଣ୍ଡ ମିଳିଛି । ଏହି ଚଳଚ୍ଚିତ୍ରଟି ୩ ଭାଗରେ ମୁକ୍ତିଲାଭ କରିବ । ଏହି ବର୍ଷ କେବଳ ଏହାର ପ୍ରଥମ ଭାଗ ରିଲିଜ୍ ହୋଇଛି । ଯେଉଁଥିରେ ରଣବୀର କପୁର ଶିବ ଭୂମିକାରେ ନଜର ଆସିବେ ଏବଂ ଆଲିଆ ଭଟ୍ଟ ଇଶାଙ୍କ ଭୂମିକାରେ ନଜର ଆସିବେ । ତେବେ ଆଗମୀ ଭାଗରେ ଅର୍ଥାତ ବ୍ରହ୍ମାସ୍ତ୍ର-୨ରେ ଦୀପିକା ପାଦୁକୋନ ଏଣ୍ଟ୍ରି କରିବା ନେଇ ଚର୍ଚ୍ଚା ହେଉଛି ।
ସୂଚନା ଥାଉକି, ଦୀପିକା ପାଦୁକୋନ୍ ବ୍ରହ୍ମାସ୍ତ୍ର-୨ର ଏକ ବିଶେଷ ଅଂଶ ହେବାକୁ ଯାଉଛନ୍ତି । ସେ ପାର୍ବତୀ ଭୂମିକାରେ ଅଭିନୟ କରିବାକୁ ନଜର ଆସିବେ । ପ୍ରଥମ ଭାଗରେ ଶିବ ଏବଂ ଇଶାଙ୍କ କାହାଣୀ ପ୍ରଦର୍ଶିତ ହୋଇଥିବାବେଳେ ଦ୍ୱିତୀୟ ଭାଗରେ ଦେବ ଏବଂ ପାର୍ବତୀ ଏଥିରେ ଯୋଗଦେବେ । ଦେବ ଭୂମିକାରେ କିଏ ଅଭିନୟ କରିବାକୁ ଯାଉଛନ୍ତି କିମ୍ବା ରଣବୀର କପୁର ଏହି ଭୂମିକାରେ ଅଭିନୟ କରିବେ କି ନାହିଁ ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ । କିନ୍ତୁ ପାର୍ବତୀ ଭୂମିକାରେ ଦୀପିକାଙ୍କ ନାମ ଫାଇନାଲ ବୋଲି କୁହାଯାଉଛି । ଏହା ମଧ୍ୟ କୁହାଯାଉଛି ଯେ ଦୀପିକା ମଧ୍ୟ ଏଥିପାଇଁ ସୁଟିଂ କରିଛନ୍ତି । ଯେତେବେଳେ ବ୍ରହ୍ମାସ୍ତ୍ରର ଟ୍ରେଲର ରିଲିଜ ହୋଇଥିଲା ସେତେବେଳେ, ଟ୍ରେଲରରେ ଦୀପିକାଙ୍କ ଝଲକ ଦୃଶ୍ୟମାନ ନଜର ଆସିଥିଲା । ସେବେଠାରୁ ଫିଲ୍ମରେ ଥିବା ନେଇ କଳ୍ପନା ଜଳ୍ପନା କରାଯାଉଥିଲା । ଏହି ସମୟରେ, ଏହି ଖବର ଆସିବା ସତ ବୋଲି ଅନୁମାନ କରାଯାଉଛି ।
