ଲାସା ପକ୍ଷରୁ ବୃକ୍ଷରୋପଣ
କଟକ : ଆଜିର ପବିତ୍ର ଗୁରୁଦିବସ ଅବସରରେ ବୋର୍ଡ ଅଫ ରେଭିନ୍ୟୁ ବାର ଆସୋସିଏସନ ଓ ‘ଲଭ୍ ଅଲ୍ ସର୍ଭ ଅଲ ସୋସିଆଲ ଆକ୍ଟିଭିଟିଜ୍’(ଲାସା) ପକ୍ଷରୁ ସହରର ବିଭିନ୍ନ ସ୍ଥାନରେ ବୃକ୍ଷରୋପଣ କରାଯାଇଛି । ଲାସାର ପ୍ରତିଷ୍ଠାତା ସ୍ମିତା ଦାସ ଓ ସଂପାଦିକା ପୂରବୀ ସାହୁଙ୍କ ପ୍ରତ୍ୟକ୍ଷ ତତ୍ୱାବଧାନରେ ଲିଗାଲ ଆଡଭାଇଜର ସଂପୂର୍ଣ୍ଣାନନ୍ଦ ନାଟିଆ, ବାସୁଦେବ ମହାପାତ୍ର, ମିଡିଆ ସଂଯୋଜକ ରାଜେନ୍ଦ୍ର ଛୋଟରାୟଙ୍କ ସମେତ ବୋର୍ଡ ବାର ଆସୋସିଏସନର ସଭାପତି ଦେବାଶିଷ ପାଣିଗ୍ରାହୀ, ସଂପାଦକ ବେଣୁଧର ପରିଡା ପ୍ରମୁଖ ଯୋଗଦେଇ ବୃକ୍ଷ ହିଁ ଜୀବନ ସ୍ଲୋଗାନ ଦେଇ ବୋର୍ଡ ଅଫ ରେଭିନ୍ୟୁ ପରିସରରେ ଥିବା ଖାଲି ଜାଗାରେ ବିଭିନ୍ନ ବୃକ୍ଷ ରୋପଣ କରିଥିଲେ । ଏହି କାର୍ଯ୍ୟକ୍ରମରେ ସସ୍ମିତା ଦାସ, ମୈାସୁମୀ ପରିଡା, ଶର୍ମିଷ୍ଠା ନାଟିଆ ପ୍ରମୁଖ ଉପସ୍ଥିତ ରହି କାର୍ଯ୍ୟରେ ସହଯୋଗ କରିଥିଲେ ।
