ପୁଣି ଘୁଞ୍ଚିଲା ପିପିଲି ଉପ-ନିର୍ବାଚନ
ପିପିଲି : ପୁଣି ଘୁଞ୍ଚିଲା ପିପିଲି ଉପ-ନିର୍ବାଚନ। ଆସନ୍ତା ୧୬ ତାରିଖରେ ହେବାକୁ ଥିବା ବହୁ ପ୍ରତିକ୍ଷିତ ପିପିଲ ଉପ ନିର୍ବାଚନ ପୁଣି ଥରେ ଘୁଞ୍ଚିଛି। ଦେଶ ତଥା ରାଜ୍ୟରେ କରୋନା ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଥିବାରୁ ନିର୍ବାଚନ କମିଶନ ଏହି ନିଷ୍ପତ୍ତି ନେଇଥିବା ଜଣାପଡ଼ିଛି। ପିପିଲି ସମେତ ପଶ୍ଚିମବଙ୍ଗର ୨ଟି ଆସନରେ ହେବାକୁ ଥିବା ଉପ ନିର୍ବାଚନ ସ୍ଥଗିତ ରଖିଛନ୍ତି ନିର୍ବାଚନ କମିଶନ।
ରାଜ୍ୟରେ ପିପିଲି ଉପନିର୍ବାଚନକୁ ସ୍ଥଗିତ ରଖାଯାଇଛି। ରାଜ୍ୟରେ କୋଭିଡ୍ ଲକ୍ଡାଉନ୍ କାରଣରୁ ପିପିଲି ଉପନିର୍ବାଚନ ସ୍ଥଗିତ ରଖାଯାଇଛି। ରାଜ୍ୟରେ କରୋନା ସଂକ୍ରମଣ ବୃଦ୍ଧି ପାଉଥିବା କାରଣରୁ ପିପିଲିରେ ଉପନିର୍ବାଚନ ସ୍ଥଗିତ ରଖାଯାଇଛି। ଏ ନେଇ ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ରାଜ୍ୟ ନିର୍ବାଚନ କମିଶନରଙ୍କ ରିପୋର୍ଟ ଆଧାରରେ ପିପିଲିରେ ଉପନିର୍ବାଚନକୁ ସ୍ଥଗିତ ରଖାଯିବା ନେଇ ଭାରତୀୟ ନିର୍ବାଚନ କମିଶନ ନିଷ୍ପତ୍ତି ନେଇଥିବା ଜଣାପଡ଼ିଛି। ସେଥିପାଇଁ ଏବେ ଆଉ ପିପିଲି ଉପନିର୍ବାଚନ ହେବ ନାହିଁ। ତେଣୁ ପିପିଲିରେ ନିର୍ବାଚନ ଆଚରଣବିଧିକୁ ଉଠାଇ ଦିଆଯାଇଛି। ପିଲିଲି ନିର୍ବାଚନ ପାଇଁ ପୁଣିଥରେ ବିଜ୍ଞପ୍ତି ପ୍ରକାଶ ପାଇବ। ସେହି ଅନୁଯାୟୀ ପିପିଲିରେ ଉପନିର୍ବାଚନ କରାଯବ ବୋଲି ଜଣାଯାଇଛି। ପିପିଲି ଉପନିର୍ବାଚନ ମେ’ ୧୬ ତାରିଖରେ କରାଯିବା ନେଇ ଧାର୍ଯ୍ୟ କରାଯାଇଥିଲା। ଏହାପୂର୍ବରୁ ପିପିଲି ଉପନିର୍ବାଚନ ମେ’ ୧୩ରେ ହେବାର ଥିଲା। ସେହିପରି ରାଜ୍ୟରେ ଦିନକୁ ଦିନ କୋଭିଡ୍ ସଂକ୍ରମଣ ବୃଦ୍ଧି ପାଉଥିବାରୁ ପଶ୍ଚିମବଙ୍ଗର ଜାଙ୍ଗିପୁର ଓ ସମ୍ସେରଗଞ୍ଜ ବିଧାନସଭା ଆସନର ଉପନିର୍ବାଚନକୁ ମଧ୍ୟ ସ୍ଥଗିତ ରଖାଯାଇଛି। ତେଣୁ ଓଡ଼ିଶାର ପିପିଲି ସମେତ ପଶ୍ଚିମବଙ୍ଗର ଜାଙ୍ଗିପୁର ଓ ସମ୍ସେରଗଞ୍ଜ ବିଧାନସଭା ଆସନର ଉପନିର୍ବାଚନକୁ ବାତିଲ କରାଯାଇଛି ଏବଂ ଏହି ନିମୟ ତତ୍କାଳ ଲାକୁ କରିବାକୁ ଭାରତୀୟ ନିର୍ବାଚନ କମିଶନ ନିର୍ଦେଶ ଜାରି କରିଛନ୍ତି।
