ମିଲିସିଆ ଗିରଫ, ମାଓ ପୋଷ୍ଟର ଜବତ
କନ୍ଧମାଳ : କନ୍ଧମାଳ ଜିଲ୍ଲା ଗୋଛାପଡ଼ା ଥାନା ପୋଲିସ ବୁଧବାର ଜଣେ ମିଲିସିଆକୁ ଗିରଫ କରିଛି । ଗିରଫ ଜଣଙ୍କ ଫିରିଙ୍ଗିଆ ବ୍ଲକ୍ ସୁମର ବନ୍ଧ ଗ୍ରାମର ରାମଦାସ କହଁର ବୋଲି ଗୋଚ୍ଛାପଡ଼ା ପୋଲିସ ସୂଚନା ଦେଇଛି । ରାମଦାସ ନିକଟରୁ ପୋଲିସ ମାଓ ପୋଷ୍ଟର ଜବତ କରିଛି । ବୁଧବାର ରାମଦାସ ଫିରିଙ୍ଗିଆରେ ଥିବା ଖବର ପାଇ ଗୋଛାପଡ଼ା ପୋଲିସ ଗିରଫ କରିଥିଲା। ଗତ ୫ ତାରିଖରେ ରାଇଘରଠାରେ ପୋଲିସ-ମାଓବାଦୀ ଏନକାଉଣ୍ଟରରେ ସେ ସାମିଲ ଥିବା ଜଣାପଡିଛି । ଗୋଛାପଡ଼ା ପୋଲିସ ଏନେଇ ଏକ ମାମଲା ରୁଜ୍ଜୁ କରିବା ସହ କୋର୍ଟ ଚାଲାଣ କରିଛି ।
