ମଦ ଜବତ, ୨ ଗିରଫ
କଟକ : ବାଦାମବାଡି ଥାନା ପୋଲିସ ୨ ଜଣ ଅସାଧୁ ମଦ ବ୍ୟବସାୟୀଙ୍କୁ ଗିରଫ କରିବା ସହିତ ସେମାନଙ୍କ ନିକଟରୁ ୨୫ ଲିଟର ଆସ୍କା-୪୦ ସହ ନଗଦ ୧୧ ହଜାର ୮୦୦ ଟଙ୍କା ଓ ଦୁଇଟି ମୋବାଇଲ ଫୋନ ଜବତ କରିଛି । ଗିରଫ ଅଭିଯୁକ୍ତଦ୍ୱୟ ମଧୁପାଟଣା ଥାନା ଅନ୍ତର୍ଗତ ତିନିଘରିଆ ବାଲିସାହିର ପ୍ରକାଶ କୁମାର ଦାସ ଓରଫ ଗୁନା (୪୦) ଓ ଖୋର୍ଦ୍ଧା ଜିଲ୍ଲା ଭାଲିଆବାଡିର ବିଶ୍ୱଜିତ ପଟ୍ଟନାୟକ ଓରଫ ଗୁଡୁ(୨୦) । ମିଳିଥିବା ସୂଚନା ଅନୁଯାୟୀ, ଗତକାଲି ରାତି ୮ଟା ୫୦ ମିନିଟରେ ବାଦାମବାଡି ଥାନାକୁ ଏକ ଖବର ପହଂଚିଥିଲା ଯେ, ପ୍ରକାଶ ଓ ବିଶ୍ୱଜିତ ଦୋଳମୁଣ୍ଡାଇ ନିକଟସ୍ଥ ମଧୁକୁଂଜ ବିଦେଶୀ ମଦ ଦୋକାନ ପଛପଟେ ଚୋରାରେ ଆସ୍କା-୪୦ ବିକ୍ରି କରୁଛନ୍ତି । ତତ୍କ୍ଷଣାତ ଥାନା ପୋଲିସ ସଦଳବଳେ ସେଠାରେ ଚଢଉ କରି ଉପରୋକ୍ତ ଅଭିଯୁକ୍ତଦ୍ୱୟଙ୍କୁ ଗିରଫ କରିଥିଲା । ଆଜି ଉଭୟଙ୍କୁ କୋର୍ଟ ଚାଲାଣ କରାଯାଇଛି
