ଭାରତୀୟ ଷ୍ଟ୍ରେନ ବି-୧୬୧୭ ବିପଦପୂର୍ଣ୍ଣ : ହୁ

ନୂଆଦିଲ୍ଲୀ : ବିଶ୍ୱ ସ୍ୱାସ୍ଥ୍ୟ ସଂଗଠନ (ହୁ) କରୋନା ଭାଇରସ ମହାମାରୀର ଭାରତୀୟ ଷ୍ଟେନ୍ ବି-୧୬୧୭କୁ ଭେରିଆଣ୍ଟ ଅଫ କଂସର୍ନ ବୋଲି ମନେ କରିଛି । ସଂଗଠନକୁ ନୂତନ ଷ୍ଟ୍ରେନକୁ ବିପଦପୂର୍ଣ୍ଣ ଦର୍ଶାଇଛି । ମାତ୍ର ବିଶ୍ୱ ସ୍ୱାସ୍ଥ୍ୟ ସଂଗଠନ ସ୍ପଷ୍ଟ କରିଛି ଯେ, ଏହାକୁ ଭେରିଆଣ୍ଟ ଅଫ କଂସର୍ନ କୁହାଯିବାର ଅର୍ଥ ହେଲା, ଏହା ଖୁବ ଦ୍ରୁତ ଗତିରେ ବ୍ୟାପୁଛି । ଏହି ଭାରିଆଣ୍ଟ ଉପରେ ଟିକା କେତେ ପରିମାଣରେ କାମ କରୁଛି, ଏହା ଜାଣିବାକୁ ଏବେ ଆହୁରି ଗବେଷଣା କରାଯିବାର ଆବଶ୍ୟକତା ରହିଛି ।

ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ଯେ, ଭାରତ ସରକାରଙ୍କ ସହିତ ଆହୁରି ଅନେକ ଦେଶ ଏବଂ ନିଜେ ଏହି ଭାରିଆଣ୍ଟ ନେଇ ଗବେଷଣା କରୁଛି । ଏହାରି ଉପରେ ଅଧିକ ତଥ୍ୟ ଆସିବାର ବାକି ଅଛି । ବିଶ୍ୱ ସ୍ୱାସ୍ଥ୍ୟ ସଂଗଠନରେ କୋଭିଡ-୧୯ ବୈଷୟିକ ଦଳର ସଦସ୍ୟ ଡ. ମାରିୟା ଭ୍ୟାନ କେରଖୋବ କହିଛନ୍ତି ଯେ, ସର୍ବପ୍ରଥମେ ଭାରତରେ ସାମ୍ନାକୁ ଆସିଥିବା ସ୍ୱରୂପ ବି-୧୬୧୭କୁ ପ୍ରଥମେ ଡବ୍ଲ୍ୟୁଏଚଓ ଦ୍ୱାରା ନଜର ସ୍ୱରୂପ ଶ୍ରେଣୀରେ ରଖାଯାଇଛି । ଡା ମାରିୟା କହିଛନ୍ତି ଯେ, ଭାଇରସର ଏହି ସ୍ୱରୂପକୁ ନେଇ ଡବ୍ଲ୍ୟୁଏଚଓର ବିଭିନ୍ନ ଦଳର ମଧ୍ୟରେ ଚଚ୍ଚା ଜାରି ରହିଛି ।