ବିଗ୍ବାସ୍ ଲିଗ୍ ଖେଳିବେ ହର୍ମନପ୍ରୀତ୍
ମେଲ୍ବର୍ଣ୍ଣ : ଭାରତୀୟ ମହିଳା କ୍ରିକେଟ୍ ଦଳର ଅଧିନାୟିକା ହର୍ମନପ୍ରୀତ କୌର ପୁଣି ମହିଳା ବିଗ୍ବାସ୍ ଲିଗ୍ (ଡବ୍ଲୁବିବିଏଲ୍)ରେ ଖେଳିବେ। ସେ ଡବ୍ଲୁବିବିଏଲ୍ର ଅଷ୍ଟମ ସଂସ୍କରଣ ଲାଗି ମେଲ୍ବର୍ଣ୍ଣ ରେନିଗେଡ୍ସ ସହ ପୁନଃଚୁକ୍ତି କରିଛନ୍ତି।
ଡବ୍ଲୁବିବିଏଲ୍-୭ରେ ହର୍ମନପ୍ରୀତ ରେନିଗେଡ୍ସର ସର୍ବାଧିକ (୪୦୬) ରନ୍ ସଂଗ୍ରହକାରୀ ଏବଂ ସର୍ବାଧିକ (୧୫) ୱିକେଟ୍ ହାସଲକାରୀ। ଏଥିସହ ସେ ପ୍ରତିଯୋଗିତାର ଶ୍ରେଷ୍ଠ ଖେଳାଳି ମଧ୍ୟ ହୋଇଥିଲେ। ପର୍ଥରେ ଆଡିଲେଡ୍ ଷ୍ଟ୍ରାଇକର ବିପକ୍ଷରେ ସେ ୪୬ ବଲ୍ରେ ଅପରାଜିତ ୭୩ ରନ୍ ସଂଗ୍ରହ କରିଥିଲେ। ତାଙ୍କର ଏହି ଚମତ୍କାର ପ୍ରଦର୍ଶନ ବଳରେ ରେନିଗେଡ୍ସ ୧୬୧ ରନ୍ର ବିଜୟ ଲକ୍ଷ୍ୟକୁ ସହଜରେ ହାସଲ କରି ନେଇଥିଲା। ହର୍ମନପ୍ରୀତ ୩ଟି ଯାକ ଫର୍ମାଟ୍ରେ ଦେଶ ପକ୍ଷରୁ ୨୪୬ ମ୍ୟାଚ୍ ଖେଳିଛନ୍ତି। ସେ ୨୪ ଟ୍ବେଣ୍ଟି-୨୦ ଖେଳି ୨୭.୦୮ ହାରାହାରିରେ ୨୪୧୧ ରନ୍ କରିବା ସହ ୨୪ ହାରରେ ୩୧ ୱିକେଟ୍ ଦଖଲ କରିଛନ୍ତି।
