ଧାମନଗର ଓ ତାଳପଦାରେ ଜାତୀୟ ପୃଷ୍ଟିସାର ସପ୍ତାହ ପାଳନ
ଧାମନଗର : ଧାମନଗର ମହିଳା ଓ ଶିଶୁ ବିକାଶ ସମ୍ମନିତ ଯୋଜନା କାର୍ଯ୍ୟାଳୟ ପକ୍ଷରୁ ଜାତୀୟ ପୃଷ୍ଟି ସପ୍ତାହ ବିଭିନ୍ନ ସ୍ଥାନରେ ପାଳିତ ହୋଇଯାଇଛି । ଧାମନଗର ସେକ୍ଟର ପକ୍ଷରୁ ଧାମନଗ ବିଜ୍ଞାପିତ ପରିଷଦର ବଜାରସାହି ଅଙ୍ଗନୱାଡ଼ି କେନ୍ଦ୍ରଠାରେ ପାଳିତ ହୋଇଥିଲା । ଏଥିରେ କିଶୋରୀ ବାଳିକା, ମହିଳା ଓ ଅଙ୍ଗନୱାଡ଼ିକର୍ମୀ ଏବଂ ସହକର୍ମୀ ପ୍ରମୁଖ ଯୋଗଦେଇଥିଲେ । ଏଥିରେ ଏକ ସଚେତନ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହୋଇଥିଲା । ଏଥିରେ କିଶୋରୀ ବାଳିକାମାନେ ଅଂଶଗ୍ରହଣ କରିଥିଲେ । ଆୟୋଜିତ ସଚେତନତା ସଭାରେ ଧାମନଗର ମହିଳା ଓ ଶିଶୁ ବିକାଶ ସମ୍ମନିତ ଯୋଜନାର ଅଧିକାରିଣୀ ନମିତା ଦାଶ ମୁଖ୍ୟଅତିଥିଭାବେ ଯୋଗଦେଇଥିଲେ । ପୂର୍ବତନ ପରିସଂଖ୍ୟାନ ସହାୟକ ଶ୍ରୀ ମନ୍ଦୋଦର ଦିକ୍ଷୀତ, ସ୍ଥାନୀୟ କାଉନ୍ସିଲର ନଜମା ଖାତୁନ୍ ପ୍ରମୁଖ ଯୋଗଦେଇ ପୃଷ୍ଟି ସପ୍ତାହ ପାଳନର ଆବଶ୍ୟକତା ଓ ବିଭିନ୍ନ ପୃଷ୍ଟି ଓ ସ୍ୱାସ୍ଥ୍ୟ ସମ୍ବନ୍ଧୀୟ ଶିକ୍ଷା ଉପସ୍ଥିତ କିଶୋରୀ ବାଳିକା ଓ ଅଙ୍ଗନୱାର୍ଡ଼ି କର୍ମିଙ୍କୁ ବୁଝାଇଥିଲେ । ପରେ ଏକ କୁଇଜ୍ କାର୍ଯ୍ୟକ୍ରମରେ ଏହି ପ୍ରତିଯୋଗୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମକୁ ସୁପରଭାଇଜର ଆରତୀ ବେହେରା ପରିଚାଳନା କରିଥିବାବେଳେ ଅଙ୍ଗନୱାଡ଼ିକର୍ମୀ ଜୟନ୍ତୀ ମହାନ୍ତି ଧନ୍ୟବାଦ ଅର୍ପଣ କରିଥିଳେ । ସେହିପରି ତାଳପଦା-୧ ଅଙ୍ଗନୱାଡ଼ି କେନ୍ଦ୍ରରେ ଜୟନଗର ସେକ୍ଟର ସେକ୍ଟର ସ୍ତରୀୟ ପୃଷ୍ଟି ସପ୍ତାହ ପାଳିତ ହୋଇଥିଲା । ଏଥିରେ ସୁପରଭାଇଜର ସଶ୍ମିତା ଜେନାଙ୍କ ସଭାପତିତ୍ୱରେ ଏକ ସଚେତନତା ବୈଠକରେ ସିଡ଼ିପିଓ ଶ୍ରୀମତୀ ନମିତା ଦାସ ଯୋଗଦେଇଥିଲେ । ଏଥିରେ ଗର୍ଭବତୀ ଓ ପ୍ରସୁତୀ ମହିଳାମାନଙ୍କର ଏକ ଜ୍ଞାନ ପ୍ରତିଯୋଗତୀ ଅନୁଷ୍ଠିତ ହୋଇଥିଲା ଓ ପରେ କୁଇଜ୍ ପ୍ରତିଯୋଗୀ ହୋଇଥିଲା । ଏଥିରେ ଅଙ୍ଗନୱାଡ଼ି କର୍ମୀ ଜାନକୀ ଦାଶ ପରିଚାଳନା କରିଥିବାବେଳେ ଅତିଥିମାନେ ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ କରିଥିଲେ ।
