ରାଜ୍ୟଗୋଷ୍ଠୀ କ୍ରୀଡ଼ା ୨୦୨୨ : ସୁଇମିଂରେ ଭାରତ ନିରାଶ
ଯୋଗ୍ୟତା ପର୍ଯ୍ୟାୟର ତୃତୀୟ ହିଟ୍ର ଶେଷ ସ୍ଥାନରେ ରହି ନିଜର ଅଭିଯାନ ଶେଷ କଲେ କୁଶଗ୍ର ରାୱତ
ବର୍ମିଂହାମ : ବର୍ମିଂହାମରେ ଆୟୋଜିତ ରାଜ୍ୟଗୋଷ୍ଠୀ କ୍ରୀଡ଼ା ଫ୍ରି ଷ୍ଟାଇଲ ସୁଇମିଂରେ ଭାରତକୁ ନିରାଶ ହେବାକୁ ପଡ଼ିଛି। ୪୦୦ ମିଟର ଫ୍ରିଷ୍ଟାଇ ସୁଇମିଂରେ ଭାରତର କୁଶଗ୍ର ରାୱତ ଭାଗ ନେଇଥିଲେ। ତେବେ ସେ ଯୋଗ୍ୟତା ପର୍ଯ୍ୟାୟର ତୃତୀୟ ହିଟ୍ର ଶେଷ ସ୍ଥାନରେ ରହି ନିଜର ଅଭିଯାନ ଶେଷ କରିଛନ୍ତି। ସେ ୩.୫୭.୪୫ ସେକେଣ୍ଡରେ ନିଜର ରେସ ଶେଷ କରିଥିଲେ। ଏହି ହିଟରେ ୩.୪୮.୩୨ ସେକେଣ୍ତ ଟାଇମିଂ ସହ ଅଷ୍ଟ୍ରେଲିଆର ଇଲିଜା ୱିନିଂଟନ ପ୍ରଥମ ସ୍ଥାନରେ ରହିଛନ୍ତି।
୪୦୦ ମିଟର ଫ୍ରିଷ୍ଟାଇଲ ଇଭେଣ୍ଟରେ ମୋଟ ୨୧ ଜଣ ସୁଇମର ରହିଥିଲେ। ସେମାନଙ୍କ ମଧ୍ୟରେ ଭାରତର ରାୱତ ୧୪ତମ ସ୍ଥାନରେ ରହି ଅଭିଯାନ ଶେଷ କରିଛନ୍ତି। ୩ଟି ଯାକ ହିଟର ଟପ୍ ୮ ପ୍ରତିଯୋଗୀ ପଦକ ପାଇଁ ଲଢ଼େଇ କରିବେ।
