ଆଜି ଚେସ ଓଲିମ୍ପିୟାଡ଼-୨୦୨୨ ଟର୍ଚ୍ଚ ରାଲି
ଚେନ୍ନାଇର କିଛି ଅଂଶରେ ଟ୍ରାଫିକ୍ ପ୍ରଭାବିତ ହେବାର ସମ୍ଭାବନା
ଚେନ୍ନାଇ : ଚଳିତ ବର୍ଷ ୪୪ତମ ଅଲିମ୍ପିଆଡ୍ ଆସନ୍ତା ଜୁଲାଇ ୨୮ରୁ ଅଗଷ୍ଟ ୧୦ ପର୍ଯ୍ୟନ୍ତ ଭାରତର ଚେନ୍ନାଇରେ ଅନୁଷ୍ଠିତ ହେବ । ଗୁରୁବାର ଏହାର ଉଦଘାଟନୀ ସମାରୋହ ପୂର୍ବରୁ ଆରମ୍ଭ ହେବାକୁ ଯାଉଛି ଟର୍ଚ୍ଚ ରାଲି । ବୁଧବାର ଅପରାହ୍ନ ୪ଟାରୁ ୭ଟା ମଧ୍ୟରେ ଚେନ୍ନାଇର ନେହେରୁ ଷ୍ଟାଡିୟମ୍ ପର୍ଯ୍ୟନ୍ତ ଏକ ଅଲିମ୍ପିଆଡ୍ ଟର୍ଚ୍ଚ ରାଲି ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି। ଏହି ରାଲି କାମାରାଜ ସାଲାଇ, ରାଜଜଜୀ ସାଲାଇ, ଯୁଦ୍ଧ ମେମୋରିଆଲ, ଫ୍ଲାଗ ଷ୍ଟାଫ ରୋଡ, ଆନ୍ନା ସାଲାଇ, ପାଲ୍ଲାଭାନ ସାଲାଇ, ସେଣ୍ଟ୍ରାଲ ଆଲାଇଟ୍ ପଏଣ୍ଟ, ପିଏଲସି ଜଙ୍କସନ, ରାଜା ମୁଥିଆ ସାଲାଇ ଦେଇ ଯିବ । ଏହା ପରେ ଜବାହରଲାଲ ନେହେରୁ ଇନଡୋର ଷ୍ଟାଡିୟମରେ ପହଞ୍ଚିବ ।
ଗ୍ରେଟର ଚେନ୍ନାଇ ପୋଲିସ ପାଞ୍ଚ ସ୍ତରୀୟ ସୁରକ୍ଷା ବ୍ୟବସ୍ଥା କରିଛି ଏବଂ ୪୪ ତମ ଅନ୍ତର୍ଜାତୀୟ ଚେସ ଅଲିମ୍ପିଆଡର ଉଦଘାଟନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହର ଗସ୍ତ ପୂର୍ବରୁ ୨୨,୦୦୦ କର୍ମଚାରୀ ନିୟୋଜିତ କରିଛନ୍ତି । କ୍ରାଇମବ୍ରାଞ୍ଚ ପ୍ରକ୍ରିୟାର ଧାରା ୧୪୪ ଅନୁଯାୟୀ ଜୁଲାଇ ୨୮ ଏବଂ ୨୯ରେ ସହର ସୀମା ମଧ୍ୟରେ ଡ୍ରୋନ୍ ଏବଂ ଅନ୍ୟ ମାନବ ବିହୀନ ବିମାନ ଚଳାଚଳ ଉପରେ ନିଷେଧାଦେଶ ଦିଆଯାଇଛି । ଚେସ ଅଲିମ୍ପିଆଡର ଉଦଘାଟନ ପାଇଁ ପ୍ରଧାନମନ୍ତ୍ରୀ ମୋଦୀ ଗୁରୁବାର ଜବାହରଲାଲ ନେହେରୁ ଇନଡୋର ଷ୍ଟାଡିୟମ ପରିଦର୍ଶନ କରିବେ ।
