୨୬ରୁ ସିବିଏସଇ ଟର୍ମ-୨ ପରୀକ୍ଷା, ମାସ୍କ ଓ ସାମାଜିକ ଦୂରତା ଆବଶ୍ୟକ
ନୂଆଦିଲ୍ଲୀ : ଆସନ୍ତା ୨୬ରୁ ସିବିଏସଇ ଟର୍ମ-୨ ପରୀକ୍ଷା ଅନୁଷ୍ଠିତ ହେବ। ଦଶମ ଓ ଦ୍ୱାଦଶ ଶ୍ରେଣୀର ପ୍ରାୟ ୩୪ ଲକ୍ଷ ପରୀକ୍ଷାର୍ଥୀ ସିବିଏସ୍ଇ ଟର୍ମ-୨ ପରୀକ୍ଷା ଦେବେ ।
ରିପୋର୍ଟ ଅନୁସାରେ ସିବିଏସ୍ଇ ଟର୍ମ-୨ ପରୀକ୍ଷା ଲାଗି ଦଶମ ଓ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କ ଆଡମିଟ୍ କାର୍ଡ ସ୍କୁଲକୁ ଚଳିତ ସପ୍ତାହରେ ଆସିଯିବ । ସେହିପରି ପରୀକ୍ଷାର୍ଥୀ ନିଜ ସ୍କଲୁରୁ ଆଡମିଟ୍ କାର୍ଡ ପାଇ ପାରିବେ । ଆଡମିଟ୍ କାର୍ଡ ସହ ଚଳିତ ସପ୍ତାହରେ ରୋଲ୍ ନମ୍ବର ମିଳିବ । ଆଡିମିଟ୍ କାର୍ଡରେ କୌଣସି ତ୍ରୁଟି ଥିଲେ ସୁଧାରି ହେବ । ପ୍ରାଇଭେଟ୍ ଷ୍ଟୁଣ୍ଡେଣ୍ଟ cbse.gov.inକୁ ଯାଇ ସେମାନଙ୍କ ଆଡମିଟ୍ କାର୍ଡ ଡାଉନଲୋଡ୍ କରିପାରିବେ । କୋଭିଡ୍ କଟକଣା ମଧ୍ୟରେ ପରୀକ୍ଷା ହେବ । ଗୋଟିଏ କକ୍ଷରେ ସର୍ବାଧିକ ୧୮ ଜଣ ବସି ପରୀକ୍ଷା ଦେଇପାରିବେ । ପରୀକ୍ଷା ବେଳେ ମାସ୍କ ପିନ୍ଧିବା ସହ ସାମାଜିକ ଦୂରତା ରକ୍ଷା କରିବାକୁ ପଡ଼ିବ ।