ରିଲିଜ୍ ହେଲା ସିବିଏସଇ ଦଶମ ଏବଂ ଦ୍ୱାଦଶ ଟର୍ମ-୨ ଆଡମିଟ୍ କାର୍ଡ
ନୂଆଦିଲ୍ଲୀ : ଦଶମ ଏବଂ ଦ୍ୱାଦଶ ଶ୍ରେଣୀ ପାଇଁ ସିବିଏସଇ ଟର୍ମ-୨ ଆଡମିଟ୍ କାର୍ଡ ୨୦୨୨ ପ୍ରକାଶ ପାଇଛି । କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ଦ୍ୱାରା ଏହା ପ୍ରକାଶିତ ହୋଇଛି । ଇ-ପରୀକ୍ଷା ପୋର୍ଟାଲ୍ ଅନୁଯାୟୀ ସିବିଏସ୍ଇ ଦଶମ ଏବଂ ଦ୍ୱାଦଶ ଆଡମିଟ୍ କାର୍ଡ ସରକାରୀ ୱେବସାଇଟ୍ cbse.gov ରୁ ଅନଲାଇନରେ ଡାଉନଲୋଡ୍ କରିପାରିବେ ।
ସିବିଏସଇର ଚଳିତ ପରୀକ୍ଷା ପେନ୍-ପେପର ଫର୍ମାଟରେ ଅପଲାଇନ୍ ମୋଡରେ ଅନୁଷ୍ଠିତ ହେବ । ସମସ୍ତ ଶ୍ରେଣୀ ପାଇଁ ଅପ୍ରେଲ ୨୬ ତାରିଖରୁ ପରୀକ୍ଷା ଆରମ୍ଭ ହେବ । ଛାତ୍ରଛାତ୍ରୀମାନେ ଧ୍ୟାନ ଦେବା ଉଚିତ୍ ଯେ ସିବିଏସଇ ଆଡମିଟ୍ କାର୍ଡ ୨୦୨୨ କେବଳ ସ୍କୁଲ୍ ଆଫିଲିଏନ୍ସ ନମ୍ବର ମାଧ୍ୟମରେ ଡାଉନଲୋଡ୍ ହୋଇପାରିବ । ସିବିଏସ୍ଇ ଟର୍ମ-୨ ଆଡମିଟ୍ କାର୍ଡ କେବଳ ବିଦ୍ୟାଳୟଗୁଡ଼ିକ ଦ୍ୱାରା ଡାଉନଲୋଡ୍ ହୋଇପାରିବ ଏବଂ ତା’ପରେ ଆବଶ୍ୟକତା ଅନୁଯାୟୀ ସମସ୍ତ ଛାତ୍ରଛାତ୍ରୀଙ୍କୁ ପ୍ରଦାନ କରାଯାଇପାରିବ । ପ୍ରାର୍ଥୀ ଏବଂ ବିଦ୍ୟାଳୟଗୁଡ଼ିକ ସିବିଏସ୍ଇ ଟର୍ମ-୨ ପରୀକ୍ଷା ହଲ୍ ଟିକେଟ୍ ଡାଉନଲୋଡ୍ କରିବାକୁ ସିଧାସଳଖ ଲିଙ୍କ୍ ଏବଂ ପଦକ୍ଷେପଗୁଡିକ ନିମ୍ନରେ ଯାଞ୍ଚ କରିପାରିବେ ।
ଜଣାନ୍ତୁ କିପରି ଡାଉନଲୋଡ଼ କରିବେ ଆଡ଼ମିଟ୍ କାର୍ଡ :-
ବିଦ୍ୟାଳୟଗୁଡ଼ିକୁ ପ୍ରଥମେ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡର ଅଫିସିଆଲ୍ ୱେବସାଇଟ୍ cbse.gov.in ଲିଙ୍କକୁ ଯିବାକୁ ହେବ ।
ଏହା ପରେ E-PAREEKSHA ଟ୍ୟାବ୍ କୁ ଯାଆନ୍ତୁ ଏବଂ ହୋମପେଜରେ ‘Admit Card/Centre Material for Examination 2021-2022’ ଲିଙ୍କ୍ ଚୟନ କରନ୍ତୁ ।
ଲଗ୍ ଇନ୍ କରିବାକୁ, ଆପଣଙ୍କର User ID, Password, and Security Pin ଦାଖଲ କରନ୍ତୁ ।
ଆପଣଙ୍କ ଛାତ୍ରମାନଙ୍କ ସିବିଏସଇ ଟର୍ମ-୨ ପରୀକ୍ଷା ଆଡମିଟ୍ କାର୍ଡ ୨୦୨୨ ସ୍କ୍ରିନରେ ଦେଖାଯିବ ।
ଏହାକୁ ପ୍ରିଣ୍ଟ୍ କରି ପରୀକ୍ଷା ହଲରେ ପ୍ରବେଶ କରିବାକୁ ବ୍ୟବହାର କରିବା ନେଇ ଛାତ୍ରଛାତ୍ରୀଙ୍କୁ ଦେଇପାରିବେ ।