କୁଆଖାଇରେ ବୁଡିଯାଇଥିବା ସମସ୍ତ ୪ ଛାତ୍ରଙ୍କ ମୃତଦେହ ଉଦ୍ଧାର
ଭୁବନେଶ୍ୱର : କୁଆଖାଇ ନଦୀରେ ବୁଡିଯିବା ଘଟଣାରେ ବୁଧବାର ସମସ୍ତ ୪ ମୃତଦେହ ଉଦ୍ଧାର ହୋଇ ସାରିଛି। କାଲି ଦୁଇ ଜଣଙ୍କର ମୃତଦେହ ମିଳିଥିଲା। ଆଜି ସକାଳୁ ଆଉ ୨ ଜଣଙ୍କର ମୃତଦେହ ଉଦ୍ଧାର ହୋଇଛି। ଗତକାଲି ଅଗ୍ନିଶମ ବାହିନୀ ୨ ଛାତ୍ରଙ୍କ ମୃତଦେହ ଉଦ୍ଧାର କରିଥିଲା । ଆଜି ସକାଳୁ ସର୍ଚ୍ଚ ଅପରେସନ୍ ପରେ ଧବଳହାର ନିକଟରୁ ନିଖୋଜ ଆଉ ୨ ଛାତ୍ରଙ୍କ ମୃତଦେହ ଉଦ୍ଧାର କରାଯାଇଥିଲା। ଆଜି ବାଲେଶ୍ୱରର ରୋହିତ ପରିଡ଼ା ଓ ପ୍ରତୀକ ଧଳସାମନ୍ତଙ୍କ ମୃତଦେହ ଉଦ୍ଧାର କରାଯାଇଛି । ଉଦ୍ଧାର କାର୍ଯ୍ୟରେ ଅଗ୍ନିଶମ ବାହିନୀ ଏବଂ ଓଡ୍ରାଫ ଟିମ୍ ନିୟୋଜିତ ହୋଇଥିଲେ।
ସୂଚନା ଯେ, ଏକ ଘରୋଇ କଲେଜର ୯ ଜଣ ଛାତ୍ର ଗତକାଲି ଭୋଜି ସାରି ନଦୀକୁ ଗାଧୋଇବାକୁ ଆସିଥିଲେ। ଧବଳହାର ନିକଟରେ ୪ ଜଣ ଛାତ୍ର ପାଣିରେ ବୁଡ଼ି ଯାଇଥିଲେ। ଖବରପାଇ ଅଗ୍ନିଶମ ବାହିନୀ ଏବଂ ଓଡ୍ରାଫ ଟିମ୍ ଖୋଜାଖୋଜି କରିଥିଲା। କାଲି ୨ ଛାତ୍ରଙ୍କ ମୃତଦେହ ଉଦ୍ଧାର ହୋଇଥିଲା ।
