ବାଲେଶ୍ଵର : କୋଟିଏରୁ ଅଧିକ ଟଙ୍କାର ଧଳାଜହର ଜବତ, ଜଣେ ଗିରଫ
ବାଲେଶ୍ୱର : ବାଲେଶ୍ୱରରୁ ପୁଣି କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ ହୋଇଛି । ଅରଡ଼ବଜାର ନିକଟସ୍ଥ ଲେବଲ୍ କ୍ରସିଂ ନିକଟରୁ ଜବତ ବ୍ରାଉନସୁଗାରର ଓଜନ ୧ କେଜି ୫୦ ଗ୍ରାମ୍ ବୋଲି ସୂଚନା ଦେଇଛି କ୍ରାଇମବ୍ରାଞ୍ଚ । ଏହି ଘଟଣାରେ ବେପାରୀ ଶେଖ୍ ମେଞ୍ଜୁକୁ ଗିରଫ କରାଯାଇଛି । ତା’ ନିକଟରୁ ନଗଦ ୨୮ ହଜାର ଟଙ୍କା ମଧ୍ୟ ଜବତ କରାଯାଇଛି ।
ଅରଡ଼ବଜାର ନିକଟସ୍ଥ ଲେବଲ୍ କ୍ରସିଂ ନିକଟରୁ ଏହି ଧଳାଜହର ଜବତ ହୋଇଥିବାର ସୂଚନା ଦେଇଛି କ୍ରାଇମବ୍ରାଞ୍ଚ । ଖାଲି ସେତିକି ନୁହେଁ ଘଟଣାରେ ବେପାରୀ ଶେଖ୍ ମେଞ୍ଜୁଙ୍କୁ କ୍ରାଇମବ୍ରାଞ୍ଚ ଗିରଫ କରିଛି । ଶେଖ୍ ନିକଟରୁ ନଗଦ ୨୮ ହଜାର ଟଙ୍କା ମଧ୍ୟ ଜବତ କରାଯାଇଛି । ପୂର୍ବରୁ ବାଲେଶ୍ୱର ସମେତ ରାଜ୍ୟର ଅନେକ ସ୍ଥାନରୁ ବିପୁଳ ପରିମାଣର ଧଳାଜହର ଜବତ ହୋଇଛି । ପୁଲିସ ଓ ଅବକାରୀ ବିଭାଗ ପକ୍ଷରୁ ବିପୁଳ ପରିମାଣର ଧଳାଜହର ଜବତ କରାଯାଇଛି । ହେଲେ ଏହି ଚେର କେତେବାଟ ଲମ୍ବିଛି ତାହାର ସୁରାକ ପାଉନାହିଁ ବିଭାଗ । ଯାହାଫଳରେ ବାରମ୍ବାର ବାଲେଶ୍ୱର ସମେତ ରାଜଧାନୀ ଭୁବନେଶ୍ୱର ଓ ବିଭିନ୍ନ ସ୍ଥାନରେ ଏହି କାରବାର ହେଉଥିବା ଦେଖିବାକୁ ମିଳୁଛି ।
