ରାଜ୍ୟସଭା ସଦସ୍ୟ ଜ୍ୟୋତିରାଦିତ୍ୟ ସିନ୍ଧିଆଙ୍କ ସୁରକ୍ଷାରେ ଅବହେଳା ପାଇଁ ୧୪ ପୋଲିସ କର୍ମଚାରୀ ସସପେଣ୍ଡ
ନୂଆଦିଲ୍ଲୀ : ରାଜ୍ୟସଭା ସଦସ୍ୟ ଜ୍ୟୋତିରାଦିତ୍ୟ ସିନ୍ଧିଆ ଗତ ରବିବାର ରାତିରେ ଦିଲ୍ଲୀରୁ ସଡକ ମାର୍ଗରେ ଗ୍ୱାଲିଅର୍ ଆସୁଥିବାବେଳେ ତାଙ୍କ ସୁରକ୍ଷା ପ୍ରତି ପୁଲିସର ଅବହେଳା ସାମ୍ନାକୁ ଆସିଛି। ମୁରେନା-ଗ୍ୱାଲିଅର୍ ସୀମାରେ ଥିବା ନିରାବଳୀ ପଏଣ୍ଟରୁ ଟ୍ରିପଲ ଆଇଟିଏମ୍ ପର୍ଯ୍ୟନ୍ତ ସାତ କିଲୋମିଟର ପର୍ଯ୍ୟନ୍ତ ବିନା ସୁରକ୍ଷାରେ ସିନ୍ଧିଆଙ୍କ କାରକେଡ ଆସିଥିଲା । ଗ୍ୱାଲିଅର ପୋଲିସ ଅନ୍ୟ ଏକ ଗାଡିକୁ ଅନୁସରଣ କରି ଚାଲିଥିଲା। ରାଜସ୍ଥାନ-ମଧ୍ୟପ୍ରଦେଶ ସୀମାରେ ଥିବା ସରାୟଛୋଲା ଠାରୁ ମୋରେନା ପୋଲିସ ସିନ୍ଧିଆଙ୍କ କାରକୁ ଅନୁସରଣ କରିପାରିନଥିଲା। ଏହି ଅବହେଳା ପାଇଁ ମୋରେନା ପୋଲିସର ୯ ଜଣ ଏବଂ ଗ୍ୱାଲିଅର ପୋଲିସର ୫ଜଣ କର୍ମଚାରୀଙ୍କୁ ନିଲମ୍ବିତ କରାଯାଇଛି।
ରାଜ୍ୟସଭା ସଦସ୍ୟ ସିନ୍ଧିଆଙ୍କୁ ଜେଡ ବର୍ଗର ସୁରକ୍ଷା ଦିଆଯାଇଥିବାବେଳେ ଏଭଳି ପରିସ୍ଥିତିରେ, ଅବହେଳାକୁ ନେଇ ଗ୍ୱାଲିଅର ପୋଲିସ ଅଧୀକ୍ଷକ ଅମିତ ସାନ୍ଧୀ କହିଛନ୍ତି ଯେ ନିର୍ଦ୍ଧାରିତ ପାରାମିଟର ଅନୁଯାୟୀ ଗ୍ୱାଲିଅର ପୋଲିସକୁ ମୋରେନା ସୀମାରୁ ଜୟଭିଲାସ ପ୍ୟାଲେସ ପର୍ଯ୍ୟନ୍ତ ସିନ୍ଧିଆଙ୍କ କାରକେଡକୁ ପାଇଲଟ ଏବଂ ଅନୁସରଣ କରିବାର ଥିଲା । ଉଭୟ ଜିଲ୍ଲାର ପୋଲିସ ମଧ୍ୟରେ ଯୋଗାଯୋଗ ଅଭାବରୁ ଏହି ଅଘଟଣ ଘଟିଛି। ପୋଲିସ ଅଧୀକ୍ଷକ ସାନ୍ଧୀ କହିଛନ୍ତି ଯେ ପୂର୍ବତନ କେନ୍ଦ୍ର ମନ୍ତ୍ରୀଙ୍କୁ ମୋରେନା ପୋଲିସ ମଧ୍ୟପ୍ରଦେଶ-ରାଜସ୍ଥାନ ସୀମା ଯାଏଁ ଆଣିଥାନ୍ତେ ଏବଂ ପରେ ଏହି କାର୍ଯ୍ୟ ଗ୍ୱାଲିଅର ପୋଲିସ ଦ୍ୱାରା କରାଯାଇଥାନ୍ତା । । ତେବେ ମୋରେନା ପୋଲିସ ସିନ୍ଧିଆଙ୍କ ଗାଡି ପରି ଅନ୍ୟ ଏକ ଗାଡିକୁ କାରକେଡ କରି ନେଇଯାଇଥିଲା। ଆଉ ଏହା ଜଣାପଡିବା ପରେ ଉଭୟ ଜିଲ୍ଲାର ପୁଲିସଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯାଇଛି ।
